Azərbaycan, İran və Türkmənistan qaz tədarükü haqqında müqavilə imzalayıb
Bakı/28.11.21/Turan: Noyabrın 28-də Aşqabadda İqtisadi Əməkdaşlıq Təşkilatının (İƏT) 15-ci sammiti çərçivəsində Azərbaycan, İran və Türkmənistan arasında qarşılıqlı qaz tədarükü (swap) üzrə üçtərəfli saziş imzalanıb.
İmzalanma hər üç ölkənin prezidentinin iştirakı ilə baş tutub.
Şana agentliyinin məlumatına görə, İran vasitəsilə Azərbaycana ildə 1,5-2 milyard kubmetr qaz tədarük ediləcək. Çatdırılmalar dekabrın 22-də başlayacaq.
Azərbaycanın bu qazdan nə üçün istifadə edəcəyi barədə məlumat verilmir.
Rəsmi Bakı bu sövdələşmənin bağlanması və onun şərtləri barədə hələlik açıqlama verməyib.
Öz növbəsində İran mətbuatı müqavilənin Azərbaycan və İran prezidentləri arasında danışıqlar başa çatdıqdan sonra imzalandığını yazıb. -02D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz