Azərbaycan ISESCO-nun regional mərkəzini açmağa hazırdır

Bakı/13.01.21/Turan: Prezident İlham Əliyev Bakının Azərbaycanda İslam Təhsil, Elm və Mədəniyyət Məsələləri Təşkilatının (ISESCO) regional mərkəzinin açılmasınqda maraqlı olduğunu təsdiqləyib. Bu barədə İ.Əliyev çərşənbə günü Bakıda ICESCO-nun baş direktoru Səlim bin Məhəmməd əl-Maliklə görüşündə bildirib.

Onun sözlərinə görə, bu məsələ 3-4 il müzakirə olunub və indi Bakı qərar qəbul edir. "Bu, bizim üçün və islam həmrəyliyinin möhkəmlənməsinə və islam mədəni irsinin qorunmasına öz töhfəsini verən bütün insanlar üçün çox vacibdir", -  İ.Əliyev qeyd edib.

Öz növbəsində Əl-Maliki erməni işğalından azad edilmiş ərazilərə baş çəkməsindən danışaraq qeyd edib ki, Azərbaycanın dağılmış mədəni-dini irsi abidələrini gördüyündə şoka düşüb.

“Biz azad edilmiş ərazilərdə olduq və görünməmiş faciə gördük. Tamamilə dağıdılmış şəhərlər, bu, heç bir ölçüyə sığmayan tamamən qeyri-insani bir hərəkətdir. Bu, insanlığa qarşı cinayətdir", -  o deyib.

Öz növbəsində İ.Əliyev deyib ki, ermənilər işğal olunmuş ərazilərdə 70-ə yaxın məscidi dağıdıblar. Bununla yanaşı, onlar Şuşada yalnız bir məscidi "islam mədəni və dini obyektlərinin qorunması adı altında bərpa ediblər", həm də bundan ötrü xarici şirkət cəlb ediblər

"Bu, ermənilərin "tolerant" və "müsəlman mədəniyyətinə və müsəlman hisslərinə hörmətlə yanaşdıqlarını" göstərmək cəhdi idi. Əgər belədirsə, digər məscidləri niyə məhv edirdilər? Məgər Şuşaya gələn həmin xarici şirkət (İran) başqa məscidlərin, bütün dini və mədəni irsin dağıdılmasını görmürdü? Onlar məscidi dağıdan separatçılardan da pisdirlər", - İ.Əliyev dağılanların hamısının bərpa ediləcəyinə söz verib.

Görüşün sonunda Əl-Maliki İkinci Qarabağ Müharibəsində qələbə münasibətilə İ.Əliyevə xatirə xəncər təqdim edib.- 06B-