Ayxan Hacızadə
Azərbaycan Laçın dəhlizində vəziyyətlə bağlı ABŞ, Avropa İttifaqı və Fransa nümayəndələrinin bəyanatlarına cavab verib
Bakı/14.12.22/Turan: Şuşa-Laçın yolunun guya Azərbaycan tərəfindən bağlanması və bunun humanitar böhrana səbəb ola biləcəyi barədə iddialar əsassızdır. Bu barədə bu gün Azərbaycan Xarici İşlər Nazirliyinin rəsmi nümayəndəsi Ayxan Hacızadə Laçın dəhlizilə nəqliyyatın hərəkətinin dayandırılması ilə bağlı ABŞ Dövlət Departamenti, Avropa İttifaqı və Fransa Xarici İşlər Nazirliyi nümayəndələrinin bəyanatlarını şərh edərkən deyib.
“Bölgədə bütün nəqliyyat-kommunikasiya yollarının açılmasına daim maneçilik törədən Ermənistandan fərqli olaraq, Azərbaycan tərəfi öhdəliklərinə uyğun olaraq son iki il ərzində Laçın yolunu yenidən qurub və yolun məhz humanitar məqsədlər üçün istifadəsinə geniş şərait yaradıb”, - Hacızadə deyib.
O qeyd edib ki, sözügedən ərazilərdə son 30 il ərzində həyata keçirilən qeyri-qanuni iqtisadi fəaliyyətə, təbii sərvətlərin talanmasına və ekologiyaya dəyən zərərə diqqət yetirilməməsi, habelə Üçtərəfli bəyanatın (10 noyabr 2020-ci il) 6-cı bəndinə zidd olaraq Laçın yolundan həm hərbi təxribatlar, həm də qeyri-qanuni iqtisadi fəaliyyət üçün istifadə olunmasına bu ölkələr tərəfindən laqeydlik məsələlərə qərəzli yanaşmanın göstəricisidir.
Eyni zamanda, Laçın yolundan istifadə etməklə Azərbaycan ərazilərində mülki əhaliyə qarşı törədilən mina terroruna əhəmiyyət verilməməsi ciddi narahatlıq mənbəyidir, Xarici İşlər Nazirliyinin rəsmi nümayəndəsi qeyd edib.
“Azərbaycan vətəndaş cəmiyyətinin nümayəndələrinin və ekologiya fəallarının Şuşa-Laçın yolunda son bir neçə gün ərzində həyata keçirdiyi etiraz aksiyası qeyd olunan qeyri-qanuni fəaliyyətlərə qarşı Azərbaycan ictimaiyyətinin haqlı narazılığının nəticəsidir və vətəndaş cəmiyyətinin bu mövqeyinə hörmətlə yanaşılmalıdır. Bu etiraz aksiyasının məqsədi hər hansı bir yolun bağlanması deyil və yoldan mülki təyinatlı nəqliyyat vasitələri sərbəst şəkildə hər iki istiqamətdə hərəkət edə bilərlər”, - Hacızadə deyib.
Bölgədə humanitar vəziyyətə gəlincə, Hacızadə qeyd edib ki, Azərbaycan tərəfi öz ərazilərində yaşayan erməni sakinlərin humanitar ehtiyaclarını qarşılamağa hazırdır.06В
Siyasət
-
Bu gün Bakı Apellyasiya Məhkəməsi "Abzas Media-nın işi" üzrə qaçaqmalçılıqda ittiham olunan jurnalist Elnarə Qasımovanın ev dustaqlığına buraxılmasından imtina ilə bağlı şikayəti təmin etməyib.
-
Mayın 10-da ABŞ-ın Azərbaycandakı səfiri Mark Libbi bu yaxınlarda ev dustaqlığına buraxılan doktor Qubad İbadoğlu ilə görüşüb.
-
Mayın 10-da Bakı Apellyasiya Məhkəməsində "Toplum TV-nin işi" üzrə həbs olunan Ramil Babayevin şikayətinə baxılıb.
-
Mayın 10-da Bakı Ağır Cinayətlər Məhkəməsi sosial şəbəkə fəalı, birinci qrup əlil Famil Xəlilovun həbsindən verilmiş şikayəti təmin etməyib.
Rəy yaz