![Azərbaycan Martin Ryanın qanunsuz saxlanılması ilə bağlı Fransanın ittihamlarını rədd edib](https://turan.az/resized/news/2024/v3XXIk1OwgxHfrMDLwjfkjXfQ9cMGqeppC0dtCKr-750-500-resize.webp)
Azərbaycan Martin Ryanın qanunsuz saxlanılması ilə bağlı Fransanın ittihamlarını rədd edib
Azərbaycan Martin Ryanın qanunsuz saxlanılması ilə bağlı Fransanın ittihamlarını rədd edib
Bakı/10.01.24/Turan: Azərbaycan Xarici İşlər Nazirliyi Fransa vətəndaşı Martin Ryanın özbaşına saxlanılması ilə bağlı bu ölkənin Avropa və Xarici İşlər Nazirliyinin bəyanatını rədd edib.
Fransa Xarici İşlər Nazirliyi Frans-Press agentliyinə bildirib ki, Fransa vətəndaşı Azərbaycanda əsassız olaraq həbs edilib və onun dərhal azad olunmasınıtələb edib.
Azərbaycan Xarici İşlər Nazirliyinin mətbuat katibi Ayxan Hacızadə Parisin iddialarını "əsassız" adlandırıb, Parisi "reallığı təhrif etməkdə və Azərbaycanın daxili işlərinə müdaxilə etməkdə" ittiham edib.
4 dekabr 2023-cü ildə Ryan casusluqda şübhəli bilinərək saxlanılıb (Azərbaycan Cinayət Məcəlləsinin 276-cı maddəsi) və istintaq müddətində 4 ay müddətinə həbs edilib.
Hacızadə qeyd edib ki, Azərbaycanın atdığı addımlar milli qanunvericiliyə və beynəlxalq öhdəliklərə tam uyğundur. Ryan həbs olunduğu gündən Fransa səfirliyinin konsulluq şöbəsi dəfələrlə onabaş çəkib və cinayət işinin detalları barədə məlumatlandırılıb.
Azərbaycanın diplomatik səylərinə baxmayaraq, Fransa tərəfi istintaqda hər hansı izahat verməkdən və ya istintaqda əməkdaşlıq etməkdən imtina edib. Buna görə də Fransa səfirliyinin bu işlə əlaqəli olduğu ehtimal edilən iki əməkdaşı 2023-cü ilin dekabrında arzuolunmaz şəxslər elan ediliblər.
“Biz bir daha, Fransa tərəfini Azərbaycanın daxili işlərinə və qeyd olunan təhqiqat tədbirlərinə müdaxiləni dayandırmağa şiddətlə çağırırıq”, - Azərbaycan Xarici İşlər Nazirliyinin şərhində deyilir. -0-
-
- Maliyyə
- 10 Yanvar 2024 11:33
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz