Azərbaycan Müdafiə Nazirliyi Qarabağdakı döyüş əməliyyatları haqqında xarici hərbi attaşelərə məlumat verdi

Bazar ertəsi Müdafiə Nazirliyində xarici ölkələrin Bakıdakı səfirliklərinin hərbi attaşelərinə Azərbaycanın Qarabağ regionunda döyüş əməliyyatları haqqında məlumat verilib.

Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov Ermənistan-Azərbaycan qoşunlarının təmas xəttində son zamanlar yaranan gərginliklə bağlı, o cümlədən atəşkəsin pozulması səbələri, düşmənin müdafiənin ön xəttinə etdiyi basqın cəhdləri, erməni silahlı qüvvələri tərəfindən iriçaplı silahlardan mütəmadi olaraq cəbhə xətti boyu yerləşən Azərbaycan kəndlərinin atəşə tutulması barədə hərbi attaşelərə məlumat verib.

Mahmudov həmçinin mülki əhalinin yaşayış binalarının, nəqliyyat vasitələrinin və sahəyanı ərazilərinin intensiv artilleriya silahlarından atəşin altında saxlanması, bunun nəticəsi olaraq düşmənin təxribatçı hərəkətlərinin qarşının alınması barədə məlumat verib.

Məlum olduğu kimi, döyüş əməliyyatları aprelin 2-də intensivləşib və növbəti günlərdə də davam edib, hər iki tərəfdən canlı qüvvə və texnika itkisi ilə müşaiyət olunub. -0-