![Açiq mənbələrdən foto.](https://turan.az/resized/media/2022/main/022400045172-750-500-resize.webp)
Açiq mənbələrdən foto.
Azərbaycan müxalifəti Rusiyanın təcavüzünü pisləyib, rəsmi Bakı susur
Bakı/24.02.22/Turan: "RF-nin Ukrayna ərazisinə hərbi müdaxiləsi beynəlxalq hüquqa və bəşəri ideyalara qarşı hücumdur. AXCP Ukrayna xalqını və dövlətini onun haqqlı mövqeyini və dünya tərəfindən tanınan ərazi bütövlüyünü dəstəkləyir. Bu savaş Rusiya tərəfindən heç nə ilə pərdələnməyən təcavüzkar hərəkətdir və istisnasız olaraq hamı tərəfindən pislənilməlidir", bu barədə Xalq Cəbhəsi Partiyasının bəyanatında deyilir.
"Rusiya tərəfindən başladılmış işğalçı müharibə 1945- ci ildən sonra dünya miqyasında ən böyük, dağıdıcı müharibə olacaq. İstər Rusiya, istərsə də Ukrayna böyük, yerinin doldurulması mümkün olmayan itkilər verəcək. Bütün dünyada itkilərə, böhrana səbəb olacaq bu müharibədə ən çox itirən Rusiya olacaq. Çünki, Rusiya yalnız Ukraynaya qarşı yox ABŞ-a, Avropa İttifaqına, bütün mütərəqqi dünyaya qarşı müharibəyə başlayıb", deyə Müsavat Partiyasının sədri Arif Hacılı bildirib.
Azərbaycan bu müharibədə birmənalı şəkildə haqqın, ədalətin, öz ölkəsinin ərazi bütövlüyü uğrunda vuruşan Ukraynanın tərəfində olmalıdır, deyə o, əlavə edib.
REAL Partiyasının sədri İlqar Məmmədov "Amerikanın Səsi"nə deyib ki, Rusiya Ordusunun Ukrayna ərazisinə daxil olamsı beynəlxalq hüququn pozulmasıdır.
"O da görünür ki, hazırda beynəlxalq hüquq və beynəlxalq əməl Ukraynanı qorumaq imkanında deyil. Rusiya qarşı Amerika və Avropa İttifaqı tərəfindən qoulan sanksiyalar var. Hesab edirəm ki, bu sanksiyaların ardınca Rusiyanın Avropa Şurasında üzvlüyünün dondurulması gəlməlidir", deyə Məmmədov bildirib.
Genişmiqyaslı müharibə başlamasına baxmayaraq, Azərbaycan XİN və ölkə rəhbərliyi hər hansı qiymətləndirmə və ya bəyanatla çıxış etməyib. -03B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz