Bakı/07.10.17/Turan: Milli Məclisin nümayəndə heyəti Avropa Şurası Parlament Assambleyasının (AŞPA) payız sessiyasında iştirak etmək üçün oktyabrın 8-də Strasburqa gedəcək.
Nümayəndə heyətinə parlamentin Beynəlxalq münasibətlər və parlamentlərarası əlaqələr komitəsinin sədri Səməd Seyidov başçılıq edir. Heyətə Mədəniyyət komitəsinin sədri Rafael Hüseynov, deputatlar Vüsal Hüseynov, Sevinc Fətəliyeva, Qənirə Paşayeva, Sabir Hacıyev, Rövşən Rzayev və Sahibə Qafarova daxildir. Bu barədə Milli Məclisin mətbuat xidməti məlumat verib.
Oktyabrın 9-13-də keçiriləcək sessiyanın gündəliyində iki məsələ Azərbaycana aiddir.
Oktyabrın 11-də "Azərbaycanda demokratik təsisatların fəaliyyəti" adlı hesabat müzakirə olunacaq. Sənədi AŞPA Monitorinq Komitəsinin həmməruzəçiləri Stefan Şennak və Sezar Florin Prada hazırlayıblar.
Həmin gün daha bir hesabat dinləniləcək: "Azərbaycanın Avropa Şurasına sədrliyi dövründə (may-noyabr 2014-cü il) ölkədə insan hüquqlarına hörmət sahəsində atılan addımlar". Bu hesabatı belçikalı deputat Allen Desteks hazırlayıb.
Ancaq sentyabrda "Azərbaycan landromatı" araşdırması açıqlandıqdan sonra Desteks sənəddə öz adının çəkilməsilə əlaqədar istefa verib. Belə ki, araşdırmada AŞPA-da rəsmi Bakının xeyrinə lobbiçilikdən söhbət gedir.-06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz