Ombudsman Səbinə Əliyeva
Bakı/18.05.21/Turan: Azərbaycanın İnsan hüquqları üzrə Müvəkkili Səbinə Əliyeva son günlərdə Gürcüstanın Dmanisi rayonundakı qarşıdurmalarla bağlı bu ölkənin Xalq Müdafiəçisi Nino Lomcariyaya müraciət edib.
Azərbaycanın Ombudsman Aparatının məlumatında deyilir ki, Azərbaycan Ombudsmanı Dmanisi rayonunun sakinləri olan azərbaycanlılarla Svanetiyadan köçürülmüş gürcülər arasına baş verən hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib.
Məlumatda Azərbaycan və Gürcüstanın strateji tərəfdaşlar olduğunu qeyd edən Ombudsman məsələnin müvafiq orqanlar tərəfindən araşdırılması üçün zəruri tədbirlər görüləcəyinə inam ifadə edib.
Əliyeva vəziyyətin daha da gərginləşməməsi üçün gürcüstanlı həmkarını məsələni nəzarətdə saxlamağa çağırıb. -05D-
Siyasət
-
“Abzas Media”nın bir ildir əsassız ittihamlarla həbsdə saxlanılan jurnalistləri Nərgiz Absalamova, Sevinc Vaqifqızı, Elnarə Qasımovanın Bakı İstintaq Təcridxanasında zorakılığa məruz qalmaları barədə yeni detallar məlum olub.
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Bazar günü ölkə başçısı İlham Əliyev ABŞ Konqresinin üzvü Avqust Pflugerin başçılıq etdiyi nümayəndə heyətini qəbul edib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
Rəy yaz