![Açiq mənbələrdən foto.](https://turan.az/resized/media/2023/main/092600067201-750-500-resize.webp)
Açiq mənbələrdən foto.
Azərbaycan Qarabağa yardımın çatdırılması üçün Beynəlxalq Qırmızı Xaç Komitəsinə daha bir yol təklif edib
Bakı/26.09.23/Turan: Azərbaycan Xankəndi-Laçın yolunun çox yüklənmiş olduğunu nəzərə alaraq, Beynəlxalq Qırmızı Xaç Komitəsinə tibbi evakusiya və Qarabağa yardımın çatdırılması üçün Qorus-Qafan-Eyvazlı-Füzuli-Şuşa-Xankəndi yolundan istifadə etməyi təklif edib.
Bu barədə Azərbaycan prezidentinin köməkçisi Hikmət Hacıyev X sosial şəbəkəsində yazıb. "Biz Beynəlxalq Qırmızı Xaç Komitəsilə və Qarabağın erməni sakinlərilə müntəzəm əlaqə saxlayırıq ki, yerlərdə humanitar tələbata operativ cavab verək", - o qeyd edib.
Dünəndən Azərbaycanın Ağdam, Sabirabad və Saatlı rayonlarının xəstəxanaları Xankəndidən xeyli sayda xəstəni qəbul etmək üçün hazırlanıb.
Əsasən yanıqların müalicəsi üçün dərmanlar və digər tibbi vasitələr göndərilib. Bundan əlavə, ərzaq yardımı göndərilib. Bu gün də, sonrakı günlərdə də yardım göndərilməyə davam edəcək. Tibbi yardıma ehtiyacı olanların evakuasiyası və yerlərdə onlara yardım göstərilməsi üçün Ermənistandan Qarabağa tibbi briqadanı gətirən vertolyotun girişi təmin edilib.
"Hazırda biz tibbi evakuasiya və yardımın çatdırılması üçün Beynəlxalq Qırmızı Xaç Komitəsinin Gorus-Qafan-Eyvazlı-Füzuli-Şuşa - Xankəndi yoluyla çıxışını təmin etmək üzərində işləyirik", - Hikmət Hacıyev vurğulayıb. 06B
Siyasət
-
İyulun 24-ü axşam saatlarında Səbail Rayon Məhkəməsi talış tədqiqatçısı İqbal Əbilov barəsində 4 ay müddətinə həbs qətimkan tədbiri seçilib.
-
İyulun 24-də Azərbaycanın xarici işlər naziri Ceyhun Bayramov İsrail Xarici İşlər Nazirliyinin baş direktoru Yakov Blitşteyni qəbul edib.
-
Elton Məmmədovun deputatlığa namizədliyi saxtakarlığa görə ləğv edilib. Bu məsələ Mərkəzi Seçki Komissiyasının bugünkü iclasında müzakirə edilib. Bu barədə Mərkəzi Seçki Komissiyasının üzvü Qabil Orucov bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
Rəy yaz