Azərbaycan Rusiyadan koronavirus peyvəndi alır?

Bakı/27.08.20/Turan: Rusiyanın baş nazirinin müavini Tatyana Qolikova prezident Vladimir Putinlə müşavirədə Azərbaycanın COVİD-19 əleyhinə “Sputnik V” peyvəndi ilə bağlı müraciət etdiyini bildirib.

Rusiya XİN-in məlumatına görə, Qolikova 27 ölkənin Rusiyadan koronavirus peyvəndi almaq istəyini bildirdiyini qeyd edib. BU ölkələr arasında o, Azərbaycanın, Belarusun, Braziliyanın, Venesuelanın və Qazaxıstanın adını çəkib.

Azərbaycan tərəfi peyvənd almaq istəyi haqqında məlumat verməyib və Qolikovanın bəyanatı ilə bağlı heç bir şərh verməyib.

Dünyada Rusiyanın ünvanına “Sputnik V”nin əks təsirlərini kifayət qədər tətqiq etməmək ittihamı ilə bir çox tənqidlər səslənir.

ABŞ Rusiya peyvənd istehsalçılarına qarşı sanksiyalar tətbiq edib və bunu “ABŞ-ın milli təhlükəsizlik və xarici siyasət maraqlarına” zidd fəaliyyətlə, daha dəqiq isə, kimyəvi və bioloji silah istehsalı ilə izah edirlər.

ABŞ Ticarət Nazirinin sanksiya siyahısına RF Müdafiə Nazirliyinin 5 elmi-tədqiqat institutu daxil edilib. Bu ETİ-lərdən birinin rəhbəri Sergey Boriseviç bildirib ki, araşdırmalar zamanı preparatın təhlükəsizliyi və qoruyucu təsiri sübuta yetirilib.

Rusiyanın müəssisələri ilə yanaşı, 30 Çin müəssisəsi də ABŞ-ın sanksiyalar siyahısına daxil edilib.

200 peyvənd hazırlama layihəsi məlumdur. 15 halda peyvənd müxtəlif ölkələrdə könüllülər üzərində lokal sınaqlardan keçirilir.

Ümumdünya Səhiyyə Təşkilatının (ÜST) baş elmi əməkdaşı Sumiya Svaminatan bildirib ki, koronavirus peyvəndinin hazırlanmasına maksimum bir il yarım vaxt sərf olunacaq, xəbəri UN News yayıb. -0-