Azərbaycan səfiri İran Xarici İşlər Nazirliyinə çağırılıb

Bakı/11.11.22/Turan: Azərbaycanın İrandakı səfiri Əli Əlizadə Azərbaycan mətbuatında «İran əleyhinə olan qeyri-dost nəşrlərlə» əlaqədar Xarici İşlər Nazirliyinə çağırılıb. Bu barədə IRNA xəbər verir.

Nazirin köməkçisi və İran Xarici İşlər Nazirliyinin Avrasiya departamentinin baş direktoru Azərbaycan səfirinə İran İslam Respublikasının Azərbaycan Respublikasının yüksək vəzifəli şəxslərinin düşməncə bəyanatları və bu ölkənin kütləvi informasiya vasitələrinin qara piarı  ilə bağlı narazılıq səviyyəsini və qəti etirazını çatdırıb və əlavə edib: "Bu prosesə mümkün qədər tez son qoyulacağını və onun təkrarlanmasının qarşısının alınması üçün zəruri tədbirlər görüləcəyini gözləyirik". 

Azərbaycan səfiri Əli Əlizadə mövcud vəziyyətdən təəssüfləndiyini bildirib və İran tərəfinin etirazını Bakıya çatdıracağını qeyd edib.

Qeyd edək ki, əslində İran mediayası ilk olaraq  Azərbaycana qarşı düşmənçilik kampaniyasına başlayıb.  İran KİV-ləri açıq təhdidlərdən, tarixi faktların təhrifindən,  cəkinməyərək Azərbaycan dövlətinə qarşı təbliğat aparır.

Bu kampaniya İran siyasətçiləri və hərbçiləri də qoşulub.

Bakının cavab addımı İran səfirinin Azərbaycan Xarici İşlər Nazirliyinə çağırılması ola bilər.—06B-