Açiq mənbələrdən foto.
Azərbaycan Silahlı Qüvvələri Xəzərdə miqyaslı təlimlərə başlayıb
Bakı/20.07.23/Turan: Azərbaycan Silahlı Qüvvələri Xəzərdə 1500 hərbçinin iştirakı ilə "Xəzri dalğası" taktiki təlimlərinə başlayıb, Müdafiə Nazirliyi bildirib.
Təlimlərdə Azərbaycan Hərbi Dəniz Qüvvələri, Quru Qoşunları, Hərbi Hava Qüvvələrinin bölmələri və Dövlət Sərhəd Xidmətinin Sahil Mühafizəsi iştirak edir.
İyulun 20-də Müdafiə Nazirliyinin rəhbər heyəti Xəzər dənizinin Azərbaycana məxsus sektorunda enerji infrastrukturlarının mühafizəsi və müdafiəsi zamanı döyüş əməliyyatlarının aparılması üzrə keçirilən təlimi izləmək üçün hərbi-dəniz bazasına gedib.
Hərbi Dəniz Qüvvələrinin komandanı vitse-admiral Sübhan Bəkirov təlimlərin gedişi və yerinə yetiriləcək tapşırıqlar barədə müdafiə nazirinə məlumat verib.
“Bildirilib ki, Xəzər dənizinin Azərbaycan sektorunun mühafizəsi və müdafiəsi Dəniz Qüvvələrinin qüvvə və vasitələrilə yüksək səviyyədə təşkil olunub", - məlumatda deyilir.
Eyni zamanda, "dəniz suları pilotsuz uçuş aparatları və digər texniki vasitələrlə davamlı nəzarət altındadır". "Qeyd olunub ki, təlimlərdə əsas məqsəd Azərbaycanın ərazi sularında təhlükə yarandıqda komandirlərin və qərargah zabitlərinin birgə hərəkətlərinin işlənib hazırlanması, həmçinin döyüş bölmələrinin idarə olunması üzrə bilik və bacarıqların təkmilləşdirilməsidir", məlumatda bildirilir.
Təlimlərə 1500 nəfər şəxsi heyət, Hərbi Dəniz Qüvvələrinin döyüş, təminat, Dövlət Sərhəd Xidmətinin Sahil Mühafizəsinin gözətçi gəmiləri, Hərbi Hava Qüvvələrinin helikopterləri, pilotsuz uçuş aparatları və Quru Qoşunlarının zirehli döyüş maşınları cəlb olunub.06B
-
- Siyasət
- 20 İyul 2023 18:12
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz