Açiq mənbələrdən foto.
Bakı/20.07.23/Turan: İyulun 20-də Azərbaycan prezidenti İlham Əliyev Füzuli rayonuna gedib.
Dövlət başçısı Əhmədbəyli-Füzuli-Şuşa avtomobil yolunun Füzuli Beynəlxalq Hava Limanına qədər olan 27 kilometrlik hissəsinin tikintisilə tanış olub.
İ.Əliyev iyulun 20-də Xocalı rayonunun Çanaqçı və Sığnaq kəndlərində də olub.
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlət başçısına görülən işlər barədə məlumat verib. Bildirib ki, mövcud yolun uzunluğu 101, yeni yolun uzunluğu isə 81,7 kilometrdir. Yolun Tuğ dairəsinədək olan 48 kilometrlik hissəsi altı, 33,7 kilometrlik hissəsi isə dörd hərəkət zolağından ibarət olacaq.
Ümumilikdə, Əhmədbəyli-Füzuli-Şuşa avtomobil yolunun tikintisinin 50 faizi tamamlanıb. Yolboyu 30 yeraltı keçid, 8 körpü, 7 tunel və 9 viaduk inşa edilir. Körpülərin ümumi uzunluğu 984, viadukların uzunluğu isə 2090 metrdir.
Sonra İlham Əliyev Xocalı rayonunun Çanaqçı və Sığnaq kəndlərinə gedib.06B
Siyasət
-
Azərbaycan meşə yanğınlarının söndürülməsi üçün Türkiyəyə Be-200ES amfibiya təyyarəsi göndərəcək. Bu barədə qərar şənbə günü iki ölkə prezidentləri İlham Əliyev və Ərdoğan arasında telefon danışığı zamanı qəbul edilib.
-
Birləşmiş Ştatlar Azərbaycan və Ermənistanla hər iki ölkənin məqbul hesab edəcəyi istənilən formatda əməkdaşlıq etməyə hazırdır, - ABŞ Dövlət Departamenti ATƏT-in Minsk qrupunun gələcəyi və sülh prosesində ABŞ-ın rolu ilə bağlı sualları cavablandırarkən bildirib.
-
Avqustun 19-da Rusiya prezidenti Vladimir Putinin Bakıya səfəri başlayacaq. Azərbaycana ikigünlük dövlət səfəri zamanı iki ölkənin prezidentləri dövlətlərarası və beynəlxalq münasibətləri müzakirə edəcəklər, həmçinin ikitərəfli sənədlər imzalanacaq. Rəsmi mənbələrin səfərin gündəliyi barədə verdikləri məlumat bu qədərdir. Görünür, məlum olmayan razılaşmalar artıq əvvəlcədən əldə olunub və Bakıya bu sənədlərin imzalanmasını başa çatdırmaq qalır.
-
Dövlət başçısının sərəncamı ilə Dövlət Sərhəd Xidmətinin üç polkovnikinə general-mayor rütbəsi verilib: Bəhmən Babayev, Eyyub Məmmədov, Nəsib Mirzəyev.
Rəy yaz