Açiq mənbələrdən foto.
Azərbaycan Şovidəki sürüşmənin nəticələrinin aradan qaldırılmasında Gürcüstana kömək etməyə hazırdır - Ceyhun Bayramov
Bakı/04.08.23/Turan: Azərbaycanın xarici işlər naziri Ceyhun Bayramov bu gün Raça dağlıq rayonundakı Şovi kurortunun yaxınlığında baş vermiş sürüşmə ilə əlaqədar gürcü həmkarı İlya Darçiaşviliyə zəng edib.
Azərbaycan Xarici İşlər Nazirliyinin mətbuat xidmətindən verilən məlumata görə, C.Bayramov sürüşmə nəticəsində həlak olanların ailələrinə və yaxınlarına, Gürcüstan hökumətinə və dost gürcü xalqına dərin hüznlə başsağlığı verib, yaralılara şəfa diləyir.
O, Azərbaycanın hər zaman Gürcüstanın yanında olduğunu və xilasetmə işlərinin aparılmasında, təbii fəlakətin nəticələrinin aradan qaldırılmasında hər cür köməklik göstərməyə hazır olduğunu vurğulayıb.
Avqustun 3-də yüksək dağlıq Şovi kurortunda baş verən sürüşmə nəticəsində 7 nəfər həlak olub. Mütəxəssislərin fikrincə, kurorta beş milyon kubmetr bərk kütlə gəlib. Körpülər dağılıb, Şovinin girişindəki yol zədələnib. Cəmi iki gün ərzində xilasedicilər 210 nəfəri fəlakət bölgəsindən çıxara bilib. "Sputnik-Gürcüstan" xəbər verir ki, təbii fəlakət bölgəsində olan və əlaqəyə çıxmayan 30 nəfərin axtarışları davam edir. Gürcüstan hakimiyyəti avqustun 7-ni matəm günü elan edib. 06B
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
Rəy yaz