Açiq mənbələrdən foto.
Bakı/29.09.20/Turan: Azərbaycan ordusunun əks-hücum əməliyyatları zamanı Xocavənd rayonunun Hadrut yaşayış məntəqəsində erməni ordusunun 1-ci alay 3-cü batalyonun komanda-qərargah məntəqəsi atəşlə darmadağın edilib.
Azərbaycan hərbçiləri həmçinin erməni ordusunun Eçmiədzində yerləşən 61-ci əlahiddə mühəndis alayının 13516 saylı hərbi hissəsinin komandiri Spartak Köçəryanı məhv ediblər.
Həmçinin Cəbrayıl rayonu istiqamətində dislokasiya edilmiş 18-ci motoatıcı diviziyanın artilleriya rəisi Karen Babayan öldürülüb.
Azərbaycan ordusu Füzuli rayonunun cənubunda ermənilərin əks-hücumunu dəf edib. Düşmən öz əsgərlərinin cəsədlərini döyüş meydanında qoyaraq geri çəkilib.
Azərbaycan Müdafiə Nazirliyi guya Azərbaycana məxsus vertolyotun vurulması barədə Ermənistan Silahlı Qüvvələrinin məlumatını təkzib edib. Bugünkü əməliyyatlar zamanı Azərbaycan ordusu, ümumiyyətlə, vertolyotlardan istifadə etməyib.
Ağdərə rayonunun Göyarx kəndi istiqamətində gedən döyüşlərdə Azərbaycan ordusu ermənilərin tankını vurub. Digər istiqamətlərdə də bir neçə zirehli texnika vurulub.—06D-
Siyasət
-
Qazaxıstan tərəfi AZAL-ın dekabrın 25-də Aktauda qəzaya uğramış təyyarəsinin 5 ekipaj üzvü daxil olmaqla, təyyarədə olan 67 nəfərin vətəndaşlığı haqqında məlumatları dərc edib. Qəza zamanı 38 nəfər həlak olub, 29 nəfər sağ qalıb.
-
Dekabrın 26-da Bakı Ağır Cinayətlər Məhkəməsində fəal Rail Abbasovun işi üzrə prosesində vəkil Elçin Sadıqov son sözlə çıxış edib.
-
İstintaq getdiyi bir vaxtda Aktau yaxınlığındakı aviaqəzanın səbəbləri ilə bağlı fərziyyələr irəli sürmək doğru deyil, bu barədə cümə axşamı RF prezidentinin mətbuat katibi Dmitri Peskov bildirib.
-
Fransanın Bakıdakı səfirliyi dekabrın 26-da milli matəm günündə Azərbaycanla həmrəylik əlaməti olaraq Avropa İttifaqı və Fransa bayraqlarını endirib. Bu barədə Fransa səfirliyinin X sosial şəbəkəsindəki hesabında yer alan məlumatda bildirilir.
Rəy yaz