Azərbaycan-Türkiyə sazişləri imzalanıb

Bakı/10.12.20/Turan: Cümə axşamı Bakıda prezidentlər İlham  Əliyev və Rəcəb Tayyip Ərdoğanın iştirakı ilə Azərbaycan-Türkiyə sazişləri imzalanıb. Əsasən Bakı Nəqliyyat Agentliyi ilə “BMC Otomativ Sənaye və Ticarət” şirkəti arasında anlaşma protokolu,  Azərbaycan Avtomobil Yolları Dövlət Agentliyi ilə “BMC.AZ” şirkəti arasında anlaşma protokolu,

Azərbaycan Respublikası Kiçik və Orta Biznesin İnkişafı Agentliyi və Türkiyə Respublikasının prezidenti yanında İnvestisiya Ofisi arasında anlaşma memorandumu, Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında anlaşma memorandumu, Azərbaycan hökuməti və Türkiyə hökuməti arasında qarşılıqlı olaraq vizadan azadetmə haqqında sazişə dəyişikliklər edilməsi haqqında 1 saylı protokol imzalanıb. Bu sənəd iki ölkə vətəndaşlarının şəxsiyyət vəsiqəsi əsasında qarşılıqlı səfərlərinə imkan verəcək.-0-