Bakı/25.07.19/Turan: 2019-cu il sentyabrın 1-dən Azərbaycan 30 günədək müddət üçün ölkəyə səfər edən Türkiyə vətəndaşları üçün viza rejimini ləğv edir.
Azərbaycan XİN Türkiyənin xarici işlər idarəsinə müvafiq nota göndərib.
30 gündən çox Azərbaycan ərazisində qalmaq istəyən Türkiyə vətəndaşlarının statusu ölkənin müvafiq qanunları ilə tənzimlənir.
Viza tələbinin ləğvi qərarı Azərbaycan və Türkiyə arasında qardaşlıq və dostluq münasibətlərinin yüksələn xətlə inkişafına növbəti əsaslı töhfə olacaq, deyə Azərbaycan XİN-in məlumatında bildirilir.
Qeyd edək ki, artıq uzun illərdir Türkiyəyə 30 günədək səfər edən Azərbaycan Respublikası vətəndaşları viza tələbindən azad edilib. -06D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz