![Azərbaycan Ukraynada vəziyyətin beynəlxalq hüquq normaları əsasında həllinə tərəfdardır](https://turan.az/resized/media/2022/main/022400045207-750-500-resize.webp)
Azərbaycan Ukraynada vəziyyətin beynəlxalq hüquq normaları əsasında həllinə tərəfdardır
Bakı/24.02.22/Turan: Cümə axşamı Avropada Təhlükəsizlik və Əməkdaşlıq Təşkilatının (ATƏT) Polşa sədrliyi tərəfindən Daimi Şuranın xüsusi iclası keçirilib.
Videoformatda keçirilən görüşdə Azərbaycan Respublikası xarici işlər nazirinin müavini Araz Əzimov iştirak edib.
Xüsusi müşavirədə çıxış edən Əzimov Ukrayna və onun ətrafında vəziyyətin ciddi narahatlıq doğurduğunu bildirib, bu barədə Azərbaycan Xarici İşlər Nazirliyinin mətbuat xidmətinin məlumatında deyilir.
Qeyd olunub ki, vəziyyətin gərginləşməsi insan tələfatına səbəb olub. O həlak olanların doğmalarına və yaxınlarına başsağlığı verib.
Vurğulanıb ki, yaranmış vəziyyət beynəlxalq hüququn norma və prinsiplərinə, o cümlədən dövlətlərin suverenliyinə, ərazi bütövlüyünə, sərhədlərin pozulmazlığına hörmət və ATƏT məkanında təhlükəsizliyin bölünməzliyinə uyğun olaraq sülh və diplomatik yolla həll olunmalıdır.
Yaranmış vəziyyətdə durumun daha da pisləşməsinə yol verməmək üçün təcili dialoq lazımdır, məlumatda deyilir- 06B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz