Azərbaycan Ukraynaya elektrik avadanlıqlarından ibarət olan növbəti humanitar yardım göndərib
Azərbaycan Ukraynaya elektrik avadanlıqlarından ibarət olan növbəti humanitar yardım göndərib
Bakı/24.11.23/Turan: Azərbaycandan elektrik avadanlıqlarından ibarət daha bir partiya Ukraynaya yola salınıb. Bu barədə Ukraynanın Azərbaycandakı səfiri Vladislav Kanevski Facebook hesabında yazıb.
"Bu humanitar yük transformatorlar və kabel avadanlıqlarından ibarətdir. Yardım dərhal ən çox ehtiyac duyulan bölgələrə paylanılacaq. Biz Azərbaycana yalnız həqiqi və sadiq dostun göstərə biləcəyi bu yardım və dəstəyə görə minnətdarıq. Yaşasın Ukrayna! Yaşasın Azərbaycan!", deyə səfir qeyd edib.
Kanevski əlavə edib ki, bu, Azərbaycan prezidenti İlham Əliyevin ayırdığı 7,6 milyon ABŞ dolları məbləğində vəsait çərçivəsində humanitar yardımın daha bir partiyasıdır.
Azərbaycan artıq oktyabrın 30-da və noyabrın 21-də Ukraynaya iki avadanlıq partiyası göndərib. 06B
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz