Bakı/08.09.23/Turan: Bu gün Azərbaycanın xarici işlər naziri Ceyhun Bayramov Almaniyanın xarici işlər naziri Annalena Berbok ilə telefonla danışıb. Söhbət zamanı regionda mövcud vəziyyət, həmçinin Azərbaycanla Ermənistan arasında münasibətlərin normallaşması prosesi müzakirə olunub, Azərbaycan Xarici İşlər Nazirliyinin mətbuat xidməti bildirib.
Bayramov həmkarına bölgədəki mövcud vəziyyət barədə ətraflı məlumat verib, "gərgin humanitar vəziyyət" və "blokada" ilə bağlı Ermənistanın yaydığı iddiaların əsassız olduğunu bildirib.
Qeyd olunub ki, Ermənistanın və Qarabağdakı qanunsuz rejimin Ağdam-Xankəndi və Laçın yolundan sinxron istifadənin təşkili barədə təkliflərdən imtina etməsi "humanitar böhran" haqda iddiaların yalan olduğunu sübut edir.
Ermənistanın təxribatyönlü hərəkətləri, o cümlədən erməni qoşunların Azərbaycan ərazilərindən çıxarılmaması sülhün bərqərarına mane olur və təhlükə mənbəyi sayılır, Bayramov deyib.
Söhbət zamanı qarşılıqlı maraq doğuran digər məsələlər ətrafında fikir mübadiləsi aparılıb. 06B
Siyasət
-
Ermənistanın xarici işlər naziri Ararat Mirzoyan Yerevanın silah almaqdan imtina etməsilə bağlı prezident İlham Əliyevin tələbini rədd edib.
-
Yanvarın 8-də İlham Əliyev İranın Ali Milli Təhlükəsizlik Şurasının katibi Əli Əkbər Əhmədianı qəbul edib. Əhmədian İranın ali lideri əli Xamenei və prezident Məsud Pezeşkianın salamlarını əliyevə çatdırıb.
-
Yanvarın 8-də Səbail Rayon Məhkəməsində “Kanal 13” televiziyasının rəhbəri Əziz Orucovun cinayət işi üzrə məhkəmə iclası keçirilib. İclas zamanı Orucovun vəkilləri onun barəsində həbs qətimkan tədbirinin ev dustaqlığı ilə əvəz edilməsinə dair vəsatət qaldırıblar. Lakin vəsatət təmin edilməyib.
-
Yanvarın 8-də dövlət basçısı İlham Əliyev Avropa İttifaqının Cənubi Qafqaz üzrə xüsusi nümayəndəsi Maqdalena Qrononu qəbul edib. Bu barədə Azərbaycan prezidentinin mətbuat xidməti bildirib. O, AZAL-ın təyyarə qəzası ilə bağlı dərin hüznlə başsağlığını çatdıraraq, aviaqəzanın bütün səbəblərinin hərtərəfli şəkildə araşdırılacağına ümidvar olduğunu bildirib.
Rəy yaz