Azərbaycan və Gürcüstan xarici işlər nazirləri strateji tərəfdaşlığın perspektivlərini müzakirə ediblər
Azərbaycan və Gürcüstan xarici işlər nazirləri strateji tərəfdaşlığın perspektivlərini müzakirə ediblər
Azərbaycanın xarici işlər naziri Ceyhun Bayramov iyunun 27-də Gürcüstanda rəsmi səfərdədir.
Xarici İşlər Nazirliyinin məlumatına görə, səfər çərçivəsində Ceyhun Bayramov Gürcüstanın xarici işlər naziri İliya Darçiaşvili, habelə digər yüksək səviyyəli rəsmilərlə görüşləri keçirlir.
Azərbaycan Xarici İşlər Nazirliyi X platformasında bildirir ki, Azərbaycan və Gürcüstan xarici işlər nazirləri Ceyhun Bayramov və İliya Darçiaşvilinin geniş tərkibdə görüşündə Azərbaycan və Gürcüstan arasında strateji tərəfdaşlığın siyasi, təhlükəsizlik, iqtisadi, enerji, nəqliyyat-kommunikasiya, humanitar aspektləri müzakirə edilib.
Xarici işlər nazirləri həmçinin müxtəlif regional və beynəlxalq formatlar çərçivəsində əməkdaşlığın davam etdirilməsi təşəbbüsləri ətrafında fikir mübadiləsi aparıb.
Həmçinin iki ölkənin xarici işlər nazirlərinin danışıqlarında COP29 konfransı çərçivəsində əməkdaşlıqla yanaşı, münaqişədən sonra regional sülh və yenidənqurma səyləri gündəlikdə olub.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz