![Açiq mənbələrdən foto.](https://turan.az/resized/media/2023/main/012800057393-750-500-resize.webp)
Açiq mənbələrdən foto.
Azərbaycan və Misir siyasi münasibətləri və ticari-iqtisadi əməkdaşlığı gücləndirmək barədə razılığa gəliblər
Bakı/28.01.23/Turan: Azərbaycan və Misir beynəlxalq təşkilatlarda qarşılıqlı fəaliyyəti möhkəmləndirəcək və dərinləşdirəcəklər. Bu barədə bu gün Azərbaycan prezidenti İlham Əliyev Misir prezidenti Əbdülfəttah Əs-Sisi ilə geniş tərkibdə görüşündə bildirib.
Əliyev Misir prezidentinin səfərinin "Misir-Azərbaycan əlaqələrinin inkişafı üçün çox mühüm addım olacağından" əminliyini bildirib. "Biz indicə təkbətək görüşümüzdə bir çox məsələləri müzakirə etdik. Misir-Azərbaycan əlaqələrinin gələcək inkişafı ilə bağlı bizim fikir ayrılığımız yoxdur. Bir çox sahələrdə əməkdaşlıq üçün çox gözəl imkanlar var. Əminəm, əldə olunmuş razılaşmaları biz səfərdən sonra icra edəcəyik", deyə Azərbaycan prezidenti qeyd edib.
O deyib ki, dünən Əs-Sisinin Azərbaycan iş adamları ilə görüşü olub. "Məndə olan məlumata görə, görüşün çox gözəl nəticələri olmuşdur. Əlbəttə ki, biznes dairələrinin birgə fəaliyyəti bizim əlaqələrimizi daha da gücləndirəcək. Biz gələcək əməkdaşlıq sahələri də müəyyən etdik", deyə Əliyev bildirib.
İki ölkə arasında siyasi əlaqələr haqqında danışan Əliyev hər iki ölkənin beynəlxalq təşkilatlardakı birgə fəaliyyəti gücləndirməyə və dərinləşdirməyə hazır olduğunu bildirib.
"Görüşümüz zamanı bütün sahələrdə özünü büruzə verən qarşılıqlı anlayış, istər siyasi, istər iqtisadi, istər digər sahələrdə əməkdaşlığın inkişafı istiqamətində hər iki tərəfin siyasi iradəsinin mövcudluğu bu əlaqələrin tez bir zamanda daha da gücləndiriləcəyinə məndə əminlik yaradır", deyə Əs-Sisi öz növbəsində bildirib.
Onun fikrincə, "ötən il keçirilmiş Azərbaycan-Misir Hökumətlərarası Müştərək Komissiyanın iclasında da gözəl nəticələr əldə olunub". "Amma hesab edirəm ki, bu səfərdən də sonra qarşılıqlı anlayış şəraitində ölkələrimiz arasında bütün sahələrdə münasibətlərin inkişafı qarşılıqlı istəklər və mövcud olan siyasi iradəyə əsaslanaraq daha da dərinləşəcək", deyə Misir prezidenti əlavə edib.
O, hər iki prezidentin qarşılıqlı investisiyalara kömək göstərilməsi üzrə tədbirlərin görülməsi zərurətini qəbul etməsindən məmnunluğunu bildirib. "Əsasən də əczaçılıq sahəsində müştərək müəssisələrin və müştərək investisiyaların yaradılması da bizim aramızda əldə olunan razılaşmadır. Siz qeyd etdiyiniz kimi, Azərbaycanın ehtiyac duyduğu bütün dərman preparatlarının siyahısı hazırlanıb bizə təqdim olunandan sonra biz də bu istiqamətdə öz işlərimizi görəcəyik", deyə Əs-Sisi vurğulayıb. 06B
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz