Bu gün Azərbaycan xarici işlər naziri Elmar Məmmədyarov Bakıda səfərdə olan Nikaraquanın xarici işlər naziri Samuel Santos Lopezi qəbul edib.
Xarici İşlər Nazirliyinin mətbuat xidmətinin məlumatına görə, görüşdə ikitərəfli münasibətlər, beynəlxalq təşkilatlar çərçivəsində əməkdaşlıq, ticarət əlaqələrinin inkişafı, regional məsələlər müzakirə olunub.
Nazir Samuel Santos Lopez Azərbaycan tərəfindən Nikaraqua iqtisadiyyatına investisiyalar qoymasını xahiş edib.
Xarici İşlər Nazirlikləri arasında daimi məsləhətləşmələr barədə razılığa gəlinib. -03B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz