![Açiq mənbələrdən foto.](https://turan.az/resized/750/500/resize/media/2021/main/061700034467.jpg)
Açiq mənbələrdən foto.
Azərbaycan və Pakistan Hərbi Hava Qüvvələri arasında əməkdaşlıq məsələləri müzakirə edilib
Bakı/17.06.21/Turan: İyunun 17-də Azərbaycanın müdafiə nazirinin müavini, Hərbi Hava Qüvvələrinin komandanı Ramiz Tahirov Azərbaycanda səfərdə olan Pakistan İslam Respublikasının Hərbi Hava Qüvvələrinin (HHQ) Aviasiya vitse marşalı Tariq Ziyanın rəhbərlik etdiyi nümayəndə heyəti ilə görüşüb.
Müdafiə Nazirliyinin mətbuat xidmətinin məlumatına görə, görüşdə iki ölkənin hərbi aviasiya sahəsində əməkdaşlığı məsələləri müzakirə olunub və Azərbaycan və Pakistanın strateji tərəfdaşlığının səviyyəsindən məmnunluq ifadə olunub.
Tərəflər həmçinin iki ölkənin Hərbi Hava Qüvvələri arasında hərbi, hərbi təhsil və hərbi-texniki sahələrdə əməkdaşlığının inkişaf perspektivlərini, eləcə də qarşılıqlı maraq doğuran digər məsələləri müzakirə ediblər, deyə məlumatda bildirilir.
Qeyd edək ki, bu, Pakistanın son iki ayda Azərbaycana səfər edən dördüncü hərbi nümayəndə heyətidir. Bu dövr ərzində eyni zamanda Azərbaycanın iki hərbi nümayəndə heyəti Pakistana səfər edib. -02D-
-
- İqtisadiyyat
- 17 İyun 2021 16:13
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz