Azərbaycan və Pakistan prezidentləri İlham Əliyev və Məmnun Hüseyn martın 11-də Bakıda təkbətək görüş keçiriblər.
Azərbaycan prezidentinin saytında yer alan məlumata görə, görüşdə dostluq, əməkdaşlıq və strateji tərəfdaşlıq prinsiplərinə əsaslanan ikitərəfli münasibətlərin siyasi, iqtisadi, humanitar və digər sahələrdə uğurla inkişaf etdiyi qeyd edilib.
Hüseyn onun rəsmi səfərinin ikitərəfli əməkdaşlığın bundan sonra da möhkəmlənməsinə xidmət edəcəyindən əminlik ifadə edib.
Əməkdaşlığın dərinləşdirilməsi üçün yaxşı potensial olduğu qeyd edilib. Həmçinin, ikitərəfli münasibətlər, regional və beynəlxalq məsələlərlə bağlı fikir mübadiləsi aparılıb.
Daha sonra nümayəndə heyətlərinin iştirakı ilə geniş tərkibdə danışıqlar davam etdirilib. -06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz