Fitch Ratings bir sıra banklar haqqında

 Fitch Ratings agentliyi Unibank, Dəmir Bank, Expressbank və AtaBank-ın reytinqlərini sabit olaraq qiymətləndirib.

İlk üç bankın xarici valyuta ilə uzunmüddətli emitentin defoltu reytinqi «B», sonuncununku «B-»dir. Bu, neftin ucuzlaşması fonunda manatın devalvasiyası ilə bağlıdır.

Fitch  Unibank və Demirbank üzrə reytinq proqnozlarını “müsbət” dərəcədən “sabit” dərəcəsinə endirib. Çünki mürəkkəb əməliyyat mühiti balansların dollarlaşması ilə bağlı aktivlərin keyfiyyəti və mənfəətə təzyiq edə bilər. Agentliyə görə, Unibank və DəmirBankın (1 yanvarda 16,5% və 15,9%) kapital yetərliliyi, yəqin, 3% azalıb. 

Unibankın (problemli kreditlər 6,8% olub və 90%-i ehtiyatla ödənilib) və DəmirBankın (6%, 80%) aktivlərinin keyfiyyəti məqbuldur. Expressbankın aktivlərinin keyfiyyəti daha yaxşıdır (problemli kreditlər 1,4%, 164% ehtiyatla ödənilib), amma borcalanların, ən iri kredit də daxil (Fitch metodologiyası ilə əsas kapitalın 54,4%-i) konsentrasiyası yüksəkdir.

Agentlik hesab edir ki, aktivlərin keyfiyyəti azalsa, bu bankların reytinqi endirilə bilər. Fitch-ə görə, bu risklər «B» kateqoriyasından bankların reytinqində yetərincə əksini tapıb. --17D—