Moskvanın “ROSSPEN” nəşriyyatı Azərbaycanlı tarixçi-sovetşünas Eldar İsmayılovun “Azərbaycanda “böyük terror” tarixi” kitabını nəşr edib.
Professor E.İsmayılov (1950-2014) Azərbaycan və Rusiyanın ən yeni tarixi dövrlərinə həsr olunmuş 10 monoqrafiyanın və 100-dən çox elmi məqalənin müəllifidir.
Bu monoqrafiya sovet tarixinin ən dramatik dövrün – Azərbaycanda 1936-1938-ci il Stalin repressiyalarına həsr edilib.
Azərbaycan tarixşünaslığında indiyədək Stalin repressiyaları dövrünün kompleks şəkildə araşdırması yoxdur. Bu nöqteyi-nəzərdən bu iş mövcud boşluğu doldurur.
Müəllifin Stalin repressiyalarına marağı həmin hadisələrə, habelə ayrı-ayrı dövlət xadimlərinin roluna tamamilə zidd baxışlar və qiymətlərdən irəli gəlib.
Azərbaycan və Rusiya Federasiyası arxivlərindən bir çox sənədlər əsasında Eldar İsmayılov Stalin repressiyalarını təhlil edir və onların Azərbaycandakı xüsusiyyətlərini açır.
“Böyük terror” əsl faciə olub və ölkənin gələcək inkişafında dərin iz buraxıb.
Kitab professor Cəfər Cəfərovun və Elçin Ağakişiyevin dəstəyi ilə nəşr olunub, bu barədə Turan-a Eldar İsmayılovun ailə üzvləri bildiriblər. -02В-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz