Kassymzhomart Tokayev and Ilham Aliyev
Bakı/24.08.22/Turan: Avqustun 24-də Qazaxıstan prezidenti Kasım Jomart Tokayev Azərbaycana rəsmi səfərə gəlib.
Prezident İlham Əliyevlə rəsmi qarşılanma mərasimindən sonra iki ölkə liderinin təkbətək danışıqları başlayıb.
Gözlənildiyi kimi, Əliyev və Tokayev digər məsələlərin arasında Şərq-Qərb dəhlizi çərçivəsində daşımaların artırılması üçün Transxəzər nəqliyyat sisteminin inkişafı, həmçinin Qazaxıstan neftinin Azərbaycan vasitəsilə ixracının artırılması məsələlərini müzakirə edəcəklər. Bu mövzu Qazaxıstan karbohidrogenlərinin Xəzər Boru Kəməri Konsorsiumu vasitəsilə Novorossiysk limanına nəqli üçün Rusiyada vaxtaşırı yaranan çətinliklər fonunda aktuallaşıb.
Qeyd edək ki, ötən gün Bakıda Bakı limanı və Qazaxıstan Dəmir Yolları arasında memorandum imzalanıb. Memorandum Qazaxıstandan Azərbaycana daşımaları nəzərdə tutur. 06B
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz