Prezident İlham Əliyev: “Azərbaycan Ukraynanın ərazi bütövlüyünü dəstəkləyir”

Bakı/24.08.22/Turan: Azərbaycanın dövlət başçısı İlham Əliyev Ukraynanın milli bayramı – Müstəqillik Günü münasibətilə prezident Volodimir Zelenskiyə təbrik məktubu göndərib.

“Xalqlarımızı birləşdirən çoxəsrlik möhkəm dostluq və qarşılıqlı rəğbət hissləri dövlətlərarası əlaqələrimizi və əməkdaşlığımızı şərtləndirən başlıca amillərdəndir”, - təbrik məktubunda deyilir.

Əliyev bu ilin yanvarında Ukraynaya səfərini iki ölkə arasında əlaqələrin genişlənməsi baxımından əhəmiyyətli hesab etdiyini bildirib.

“Azərbaycan Beynəlxalq hüququn norma və prinsiplərini, Birləşmiş Millətlər Təşkilatının Nizamnaməsini rəhbər tutaraq bütün dövlətlərin, o cümlədən Ukraynanın ərazi bütövlüyünə və suverenliyinə hörmətlə yanaşır. Biz Ukrayna xalqına humanitar məsələlərdə bundan sonra da yardım göstərməyə davam edəcəyik”, - Əliyev vurğulayıb.

O əmin olduğunu bildirib ki, Azərbaycanla Ukrayna arasındakı ənənəvi dostluq münasibətləri, səmərəli əməkdaşlıq iki ölkə xalqının mənafeyinə uyğun olaraq bundan sonra da genişlənəcək.06В