Əli Əsədov və Fuad Oqtay. ahaber.com.tr
Azərbaycan və Türkiyə illik əmtəə dövriyyəsini $15 milyarda çatdırmaq niyyətindədirlər
Bakı/20.02.21/Turan: Ötən gün Ankarada iqtisadi əməkdaşlıq üzrə Azərbaycan-Türkiyə hökumətlərarası komissiyasının 9-cu iclasının yekunlarına əsasən ikitərəfli tərəfdaşlığın dərinləşdirilməsi istiqamətində Fəaliyyət planı imzalanıb.
İclasın yekunları üzrə protokol və Fəaliyyət planı "birgə əmtəə dövriyyəsinin $15 mlrd.-a çatdırılması yolunda mühüm mərhələdir",- Türkiyənin vitse-prezidenti Fuad Oqtay bildirib.
Türkiyə KİV-in məlumatına əsasən onun sözlərinə görə, Fəaliyyət planı ikitərəfli münasibətlərin inkişafına yönələn 138 bənddən ibarətdir.
O vurğulayıb ki, tərəflər üçün prioritet erməni işğalından azad edilmiş Azərbaycan ərazilərinin bərpası məsələsidir.
Öz növbəsində, Azərbaycanın baş naziri Əli Əsədov bildirib ki, rəsmi Bakı qardaş Türkiyənin regiondakı bütün proseslərlə bağlı mövqeyini dəstəkləməkdə davam edəcək.
Azərbaycanın iqtisadiyyat naziri Mikayıl Cabbarov əmin olduğunu bildirib ki, protokolun və Fəaliyyət planının imzalanması iqtisadi tərəfdaşlığın dərinləşməsinə və yeni birgə layihələrin həyata keçirilməsinə xidmət edəcək.
Qeyd edək ki, 2019-cu ildə iki ölkə arasında əmtəə dövriyyəsi $4,4 mlrd. olub —06D-
-
- Cəmiyyət
- 20 Fevral 2021 11:02
-
- Sual-cavab
- 20 Fevral 2021 12:07
Siyasət
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
-
"Sərhədsiz Reportyorlar"ın 2024-cü il üçün illik Mətbuat Azadlığı İndeksində Azərbaycan 180 ölkə arasında 164-cü yerə yerləşdirilib.
Rəy yaz