![Azərbaycan Xalq Cəbhəsinin 24-cü ildönümü](https://turan.az/resized/media/2013/main/071600042731-750-500-resize.webp)
Azərbaycan Xalq Cəbhəsinin 24-cü ildönümü
Bu gün Azərbaycanın demokratik qüvvələri 1989-cu ildə ölkədə milli-azadlıq hərəkatına rəhbərlik etmiş Azərbaycan Xalq Cəbhəsinin yaradılmasının 24-cü ildönümünü qeyd ediblər. Tədbir Vətəndaş Həmrəyliyi Partiyasının ofisində keçirilib.
“Xalq cəbhəsi partiya kimi formalaşmayıb. Bu, Azərbaycan xalqının azadlıq və müstəqillik uğrunda mübarizəsinin nəticəsdidir”, - AXCP lideri Əli Kərimli bildirib. O qeyd edib ki, sonradan bu hərəkatdan bir sıra siyasi partiyalar formalaşıb ki, onlar da avtoritar rejimin təzyiqlərinə məruz qalıblar.
1990-cu ildə Bakıda sovet qoşunlarının cəza əməliyyatından sonra hərəkatı məhv etməyə ilk cəhdlər olub. İkinci cəhd 1993-cü ildə dövlət çevrilişi zamanı olub. AXC-nin məhvinə üçüncü cəhd 2000-ci ildə onun lideri Əbülfəz Elçibəyin ölümündən sonra olub.
Xalq cəbhəsinin digər iştiakçıları İsa Qəmbər, Sabir Rüstəmxanlı, Cəmil Həsənli, İbrahim İbrahimli, Sülhəddn Əkbər və başqaları öz çıxışlarında 1918-20-ci illər Azərbaycan Xalq Cümhuriyyəti ilə 1998-1993-cü illər milli- azadlıq hərəkatı, həmçinin Milli Şuranın timsalında azad seçkilər uğrunda müasir hərəkat ideyaları arasında bağlılıqdan danışıblar.
Çıxışçılar əsas diqqəti vahid namizəd Rüstəm İbrahimbəyovun timsalında qarşıdakı seçkilərdə demokratik qüvvələrin qələbə əzminə yönəldiblər.
Milli Şuranın sədri və prezidentliyə namizəd cəbhəçilərə təbrik məktubu göndərib. Məktubda Azərbaycanın müstəqilliyinin əldə olunmasında Xalq Cəbhəsinin rolu yüksək qiymətləndirilib.
Professor Cəmil Həsənli qeyd edib ki, AXC ölkənin müstəqilliyini təmin edərək öz proqramının birinci mərhələsini yerinə yetirib. “Lakin müstəqillik və azadlıq eyni şey deyil. İndi qarşımızda prezident seçkilərində ölkənin və onun vətəndaşlarının azadlığını təmin etmək durur”, - o vurğulayıb.
Çıxış edənlər hakimiyyət tərəfindən tarixin təftişini tənqid ediblər. Bununla hakimiyyət var gücü ilə dövlətin müstəqilliyinin əldə olunmasında AXC-nin rolunu kiçiltməyə çalışır. Toplantı iştirakçıları fəalların həbsini, siyasi və iqtisadi azadlıqlara təzyiqləri pisləyiblər. -0—
-
- İqtisadiyyat
- 16 İyul 2013 14:25
-
- İqtisadiyyat
- 16 İyul 2013 15:52
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz