![Azərbaycan Xalq Cəbhəsinin təsis edilməsinin 25 illiyi](https://turan.az/resized/media/2014/main/071400084043-750-500-resize.webp)
Azərbaycan Xalq Cəbhəsinin təsis edilməsinin 25 illiyi
İyulun 16-da Azərbaycan Xalq Cəbhəsinin təsis edilməsinin 25 illik yubileyidir.
AXCP 25 illik yubileylə bağlı iyulun 16-da saat 11:00-da Suraxanı rayonu Əmircan qəsəbəsi Səttar Bəhlulzadə adına Mədəniyyət sarayında təntənəli mərasim keçirəcək. Bakı Şəhər İcra Hakimiyyəti paytaxtın mərkəzi hissəsində yerləşən saraylarda yubiley tədbirinin keçirilməsinə icazə verməyib.
AXC 1989-cu il iyulun 16-da Bakıda təsis edilib. İlk konfransda təşkilatın 15 nəfərlik İdarə Heyəti formalaşıb. Əbülfəz Elçibəy AXC-nin sədri seçilib.
Təşkilat davamlı mitinqlər və etiraz aksityaları keçirməklə keçmiş SSRİ-nin siyasətinə qarşı kəskin mübarizə aparıb. AXC-nin mübarizəsinin nəticəsində 1991-ci ildə Azərbaycan müstəqilliyinə qovuşub. Müstəqilliyə gedən yol 1990-cı ilin 20 Yanvar hadisələrindən keçib. Çoxsaylı AXC fəalları həbs edilib, təqiblərə məruz qalıb. Azərbaycanda dəfələrlə fövqəladə vəziyyətin elan edilməsinə, hərbi rejimin olmasına baxmayaraq, AXC mübarizədən qalib çıxıb.
1992-ci il mayın 15-də AXC ölkədə hakimiyyətə gəlib. Seçkilər nəticəsində Əbülfəz Elçibəy prezident seçilib. 1993-cü ilin iyununda AXC hakimiyyəti qiyamla devrilib və Heydər Əliyev hakimiyyətə gəlib.
AXC ölkədə müstəqillik uğrunda mübarizə ilə paralel olaraq Dağlıq Qarabağda erməni işğalçılarına qarşı da mübarizə aparıb. Minlərlə AXC fəalı döyüşlərdə həlak olub.
AXC 1995-ci ildə siyasi partiyaya keçdiyini bəyan edib. Əli Kərimli AXCP-nin sədri seçilib. Bununla yanaşı AXC təmsilçiləri Müsavat, Klassik Xalq Cəbhəsi Partiyası və Bütöv Azərbaycan Xalq Cəbhəsi Partiyası, Milli İstiqlal Partiyası , Vətəndaş Həmrəyliyi və digər siyasi təşkilatlarda birləşirlər.
-
- Cəmiyyət
- 14 İyul 2014 14:09
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz