Azərbaycan Xarici İşlər Nazirliyi nümayəndə heyətinin ABŞ-a səfərinin yekunları haqqında

Bakı/25.05.23/Turan: Mayın 17-24-də Azərbaycan xarici işlər nazirinin müavini Elnur Məmmədov ABŞ-da səfərdə olub.

O, Konqres və Senat üzvlərilə bir sıra görüş keçirib, münaqişədən sonrakı dövr və azad edilmiş ərazilərdə bərpa işlərinin gedişi barədə onlara məlumat verib.

Məmmədov Azərbaycan-Ermənistan sərhədində "Laçın" sərhəd-buraxılış məntəqəsinin yaradılması ilə bağlı Konqres üzvlərinə "radikal erməni təşkilatları tərəfindən dezinformasiya verilməsini"  qeyd edib.

Konqresin bəzi üzvlərinin bununla bağlı barədə qətnamələr irəli sürməsi ABŞ-ın milli maraqlarına xidmət etmir, davam edən sülh danışıqlarına zərər verir.

Dövlət Departamenti və Pentaqonda danışıqlar zamanı Məmmədov müdafiə, hərbi hazırlıq və təhsil sahəsində ikitərəfli əlaqələrin inkişafını, həmçinin Azərbaycanla ABŞ arasında müdafiə, o cümlədən regional və qlobal terrorizm sahəsində əməkdaşlıq perspektivlərini müzakirə edib, Xarici İşlər Nazirliyinin məlumatında deyilir.

Sonra Məmmədov aparıcı beyin mərkəzlərində - Atlantik Şura, İrs Fondu, Beynəlxalq Sülh Naminə Karnegi Fondu, ABŞ Sülh İnstitutu, ABŞ Hərbi Dəniz Qüvvələri Ali Məktəbi, Yaxın Şərq üzrə Vaşinqton İnstitutu və Hadson İnstitutunda “dəyirmi masa”larda iştirak edib.

Səfər çərçivəsində nümayəndə heyəti Amerika-İsrail ictimaiyyətlə əlaqələr Komitəsinin  rəhbər heyətilə görüşüb.06В