Şəhid ailə üzvlərinin hüquqlarının müdafiəsi Cəmiyyəti
Yanvar faciəsi şəhidlərinin ailə üzvləri onların hüquqlarının təmin olunmasını tələb edirlər
Bakı/25.05.23/Turan: Bu gün 20 yanvar şəhidlərinin ailə üzvlərinin hüquqlarını Müdafiə Cəmiyyəti Şəhidlər Xiyabanında etiraz aksiyası keçirərək dövlətin verdiyi vədin yerinə yetirilməsini tələb edib. 20 yanvar şəhidlərinin ailələrinin 40-a yaxın üzvü Xiyabanda məzarlara gül dəstələri qoyub və bəyanatlarla çıxış edib.
Aksiyanın təşkilatçıları Prezident Administrasiyasının qəbul şöbəsinə getməyi planlaşdırıblar, lakin iştirakçılar yaşlı və xəstə adamlar olduğundan aksiyanın davamından imtina etmək qərara alınıb. Prezident Administrasiyasının qəbul şöbəsi "Gənclik" metro stansiyasının yanında, Şəhidlər Xiyabanından uzaqda yerləşir.
Polis aksiyaya müdaxilə etməyib.
Cəmiyyətin sədri Maral Zamanova aksiya iştirakçılarının tələblərini Turan-a sadalayıb. Onlar hərbi qulluqçunun ölümünə görə 11 min manat sığorta məbləğinin birdəfəlik ödənilməsi (ödənilməmiş illərə görə kompensasiya ilə birlikdə (cəmi 30 min manat) barədə prezident fərmanının 20 yanvar şəhidlərinin ailə üzvlərinə şamil edilməsini tələb edirlər.
Digər tələblər bunlardır: dərman və kommunal xidmətlərin bahalaşması nəzərə alınmaqla aylıq müavinətin 600 manatdan 1000 manata qədər artırılması; bu kateqoriyadan olan adamları icbari tibbi sığorta üzrə müalicə edən özəl klinikaların hesabına tibb müəssisələrinin siyahısının genişləndirilməsi; ehtiyacı olan hər kəsə pulsuz mənzillərin verilməsi və pulsuz mənzil alanların belə mənzillərdə qeydiyyatı; yanvar faciəsi şəhidlərinin ailə üzvlərinə xüsusi şəhadətnamələrin verilməsi; şəhidlərin xanımlarına (ərlərinə) və valideynlərinə aylıq ödənişlər haqqında fərmanın (hazırda fərman qüvvədədir) şəhidlərin övladlarına şamil edilməsi, - Zamanova bildirib.
O hesab edir ki, dövlət idarələrində bu kateqoriyadan olan adamlara qayğı demək olar ki, yoxdur, "hazırda birinci yerdə İkinci Qarabağ Müharibəsi şəhidlərinin ailə üzvləri və qazilər durur. Bizə deyirlər ki, siz keçmişdə qaldınız" - təşkilatın sədri deyib.
"Prezident Heydər Əliyev bizimlə görüşüb, şəhidlərin məzarlarının yanında gəzdiyini gördük. İlham Əliyev isə bizi bir dəfə də olsun qəbul etməyib", - o əlavə edib.
Maral Zamanova və təşkilatın digər üzvləri bütün dövlət instansiyalarına yazılı müraciət ediblər. Mayın 25-də etiraz aksiyası zamanı cəmiyyətin fəalı Mariya Vəlixanova prezidenti və ya birinci vitse-prezidenti onları qəbul etməyə çağırıb. İndiyədək cəmiyyət yalnız Əmək və Əhalinin Sosial Müdafiəsi Nazirliyindən yazılı cavab alıb. Cavabda təşkilat üzvlərinin müraciətlərinə baxılacağı vəd edilib.--0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz