Azərbaycan XİN-in qəribə məntiqi

Dekabrın 8-də Hamburqda ATƏT-in Minsk Qrupu həmsədrlərinin dəvətilə Azərbaycan və Ermənistanın xarici işlər nazirlərinin  görüşü olub.

Azərbaycan XİN mətbuat katibi Hikmət Hacıyev dəqiqləşdirib ki, bu, görüş olmayıb, “birgə şam yeməyi” olub.

O həmçinin deyib ki, bundan öncə erməni tərəfi 2+formatında görüş ilə bağlı Fransa XİN rəhbərinin təklifindən imtina edib. 

“Nəticədə erməni tərəfinin destruktiv və görüşlərdən qaçmaq siyasəti nəticəsində xarici işlər nazirləri səviyyəsində 2+3 formatında görüş baş tutmadı”, - H.Hacıyev bildirib.

Bununla belə, erməni nazirin bu cür qeyri-diplomatik və sayğısız davranışı Elmar Məmmədyarovu onunla bir masa arxasında əyləşməkdən və şam etməkdən çəkindirməyib.

İstər-istəməz sual yaranır: əgər erməni nazir ABŞ, Rusiya və Fransa XİN rəhbərlərinin təklif etdiyi görüşü poza bilirsə, niyə azərbaycanlı nazir onunla bir masa arxasında əyləşir və ümumiyyətlə, danışmağa söz varmı?

H.Hacıyev açıqlama verib ki, bu, növbəti il üçün danışıqlar prosesinin davam etdirilməsi və gündəlikdə duran məsələlər ətrafında fikir mübadiləsi aparımaq üçün lazım olub.-02D-