Azərbaycan XİN Mayk Pompeonun fikirlərini şərh edir

Bakı/16.10.20/Turan: ABŞ dövlət katibinin səsləndirdiyi fikirlər ABŞ Hökuməti tərəfindən münaqişə ilə bağlı bundan öncə edilmiş çoxsaylı rəsmi bəyanatlara uyğun deyil. Bu barədə Azərbaycan XİN-in mətbuat xidmətinin Mayk Pompeonun “WSB Atlanta”ya müsahibəsində bildirdiyi fikirlərlə bağlı şərhində deyilir.

“Bu fikirlər, həmçinin ABŞ-ın ATƏT-in Minsk Qrupunun həm-sədr ölkələrindən biri kimi statusuna uyğun gəlmir”, deyə XİN-in şərhində qeyd edilir.

Xatırladaq ki, oktyabrın 15-də videokonfrans zamanı Pompeo bu gün Azərbaycanda və Ermənistanda baş verənləri “təhlükəli” adlandırıb. “İndi biz oyuna daxil olan, Azərbaycana resurslar göndərən, riski artıran, Dağlıq Qarabağ adlanan bu tarixi yerdə hərbi əməliyyatları gücləndirən türkləri görürük”.

“Münaqişənin həlli danışıqlar və dinc müzakirələr vasitəsilə və aranı qızışdıran üçüncü ölkələrin iştirakı olmadan tapılmalıdır. Ümid edirik ki, ermənilər atəşkəsə qədər özlərini qoruya biləcəklər, bundan sonra tərəflər bu problemi həll etmək üçün danışıqlar masası arxasına oturacaqlar”, deyə Pompeo bildirib. -0602B-