Bakı/06.08.19/Turan: Ermənistan baş nazirinin aqressiv bəyanatları Ermənistan-Azərbaycan münaqişəsinin həlli üzrə illərdir ki, aparılan danışıqlar prosesinin ruhu və mahiyyəti ilə, o cümlədən Bakı və Yerevan arasında keçirilən sonuncu görüşlər zamanı aparılan müzakirələrlə açıq ziddiyyət təşkil edir. Bu barədə çərşənbə axşamı Azərbaycan XİN-in bəyanatında Nikol Paşinyanın Dağlıq Qarabağda çıxışına cavab olaraq bildirilir.
"Avqustun 5-də Xankəndidə keçirilən "ümumerməni oyunları"nın açılışında Ermənistanın baş naziri reallıqdan tamamən uzaq olan populist bəyanatlar səsləndirib", - bəyanatda deyilir.
Bəyanat ATƏT-in Minsk Qrupu həmsədrlərinin vasitəçiliyi ilə aparılan danışıqlar prosesinə böyük zərbədir.
Azərbaycan öz ərazilərinin işğalı ilə heç zaman barışmayacaq və işğal olunmuş torpaqlarımızın azad olunması üçün var gücü ilə səylərini davam etdirəcək.
Bölgədə yaranan bütün gərginliyin, münaqişənin sülh yolu ilə həllinə vurulan zərbənin məsuliyyəti Ermənistan üzərindədir, Azərbaycan XİN-in bəyanatında deyilir.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz