Bakı/19.03.20/Turan: İndiyədək perspektivli struktur sayılan “Qarabağ” dəniz yatağında 60 mln. tondan çox neftin olması sübut edilib. Bu SOCAR Dövlət Neft Şirkətinin məlumatında deyilir.
Yataq Xəzərin Azərbaycan sektorunda Bakının 120 km. şərqində yerləşir.
Kəşfiyyat qazma işlərini SOCAR Norveçin “Equinor” şirkəti ilə birlikdə həyata keçirib.
Yatağı ərazisində dənizin dərinliyi 180 metrdir, yatağın məhsuldar layları 3,4 km. dərinlikdə yerləşir.
Perspektiv struktur hələ 1959-cu ildə kəşf edilib. İlk kəşfiyyat qazması 1997-98-ci illərdə CİPCO beynəlxalq şirkəti tərəfindən aparılıb. Lakin kəşfiyyat işlərinin nəticəsi perspektivsiz kimi dəyərləndirilib.
2018-ci ildə SOCAR və “Equinor” bərabər pay iştirakı - 50/50 ilə kəşfiyyata dair yeni saziş imzalayıblar.-02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz