Azərbaycanda Avropa Şurasının əməkdaşlarını da həbs etməyə başladılar

Bazar ertəsi Nəsimi Rayon Məhkəməsi Müsavat Partiyasının sədr müavini Tofiq Yaqublunun və  Respublika Alternativi hərəkatının (REAL) sədri İlqar Məmmədovun  barəsində 2 ay müddətinə həbs qətimkan tədbirini seçib.  

Onlar CM-in 233  (ictimai asayişin pozulmasına yönəlmiş hərəkətlərin təşkili və ya onlarda iştirak) və 315-ci (güc tətbiq etməklə polisə müqavimət göstərmək)  maddələri ilə ittiham olunurlar. Əsasən yanvarın 24-də İsmayıllıda etiraz aksiyası zamanı ictimai asayişi pozmaqda təqsirli bilinirlər. Günahları sübuta yetirilərsə, müxalifətçiləri 7 ilədək azadlıqdan məhrumetmə cəzası gözləyir.

T.Yaqublu və İ.Məmmədov ittihamları rədd edirlər. Vəkillərin sözlərinə görə, həbs barədə qərardan apellyasiya şikayəti veriləcək. 

Qeyd edək ki, Avropa Şurasının Bakı siyasi biliklər məktəbinin direktoru olan İ.Məmmədov faktiki olaraq bu beynəlxalq təşkilatın ştatlı əməkdaşıdır. Bu, Məmmədovun işi ilə bağlı dünyada böyük beynəlxalq rezonans doğuracaq. Əvvəllər Azərbaycanda bu cür nüfuzlu beynəlxalq nümayəndələri cinayət məsuliyyətinə cəlb olunmamışdı.

Avropa siyasi biliklər məktəbi keçmiş SSRİ-nin və Şərqi Avropanın 15 ölkəsində fəaliyyət göstərir və Avropa dəyərlərinin yayılmasında əsas alətlərdən biridir. Hər il məktəbi 600 nəfər bitirir ki, onlar Strasburqda final sessiyada toplanırlar. Dünya siyasətinin və biznesinin liderlərin onların qarşısında çıxış edirlər. —16C06--