![Azərbaycanda bələdiyyə seçkiləri keçirilir](https://turan.az/resized/media/2019/main/122300023881-750-500-resize.webp)
Azərbaycanda bələdiyyə seçkiləri keçirilir
Bakı/23.12.19/Turan: Bu gün Azərbaycanda bələdiyyə seçkiləri keçirilir.
Saat 8.00-da 118 seçki dairəsində 5049 seçki məntəqəsi açılıb. Azərbaycan ərazilərinin işğalı ilə əlaqədar 7 dairədə bələdiyyə yoxdur.
Səsvermədə seçki hüququ olan 4 972 356 vətəndaş iştirak edə bilər.
1606 bələdiyyə üzrə 15 156 yer uğrunda 41 462 namizəd mübarizə aparır.
Namizədlərin üçdə biri 13 partiyanın nümayəndələridir: Yeni Azərbaycan, Demokratik İslahatlar, Böyük Quruluş, Vətəndaş Birliyi, Vahid Azərbaycan Xalq Cəbhəsi Partiyası, Milli Dirçəliş Hərəkatı, Demokratik Maarifçilik, Sosial Demokrat, Ümid, Ana Vətən, Vətəndaş Həmrəyliyi, Vəhdət və Respublikaçılar partiyaları.
Aparıcı müxalifət partiyaları ölkədə ədalətli seçki kampaniyası üçün minimum şəraitin olmadığını, həmçinin bələdiyyələrin real səlahiyyətlərinin olmadığını hesab edərək bələdiyyə seçkilərində iştirakdan imtina ediblər.
MSK-nın məlumatına görə, seçkilərdə 52 636 yerli və 17 beynəlxalq müşahidəçi akkreditə olunub.
1000 seçki məntəqəsində veb-kameralar quraşdırılıb və online yayım aparılır.
Səsvermə saat 19.00-da başa çatacaq. Bələdiyyə şuralarında yerlərin sayı bələdiyyənin əhalisindən asılı olaraq 5 ilə 19 arasında dəyişir. Bələdiyyə seçkilərində kvorum yoxdur. Ən çox səs toplayan namizədlər seçilmiş sayılırlar.
İlkin rəsmi nəticələr səsvermə başa çatdıqdan sonra beş gün ərzində MSK tərəfindən elan ediləcək.06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz