Azərbaycanda həbsdə olan tədqiqatçının filmi beynəlxalq festivalda mükafata layiq görülüb

Azərbaycanda həbsdə olan talış tədqiqatçı İqbal Əbilovun "Fraqmentlər" filmi noyabrın 1-də İtaliyada "Monza" beynəlxalq kino festivalında "Ən yaxşı elmi-fantastik film" nominasiyasında mükafat alıb.

"Monza" kino festivalı hər iki aydan bir müxtəlif kateqoriyalarda nəzərə çarpan filmləri seçir. "Bu təqdir İqbalın hazırkı çətinliklərinə baxmayaraq, bəddi baxışının və yaradıcılığının sübutudur", deyə Əbilovun həbsindən sonra onun dostlarının və həmkarlarının gənc alimə dəstək üçün yaratdığı https://igbal.info/news/01112024/best-sci-fi-picture saytında dərc edilmiş məlumatda bildirilir.

Əbilovun, demək olar ki, bütün yetkin həyatını Belarusda keçirməsinə baxmayaraq, film festivala Azərbaycanın adından təqdim edilib.

"Fraqmentlər" adlı qısametrajlı bədii film 2023-cü ildə çəkilib və süni intellekt mövzusuna həsr olunub. Filmdə bir-birinə aşiq olan iki androidin hekayəsindən bəhs edilir, onların gündəlik həyatından müxtəlif səhnələr əks olunur.

Androidlərin vaxt keçirməsi, söhbətləri və görünüşləri insanlardan, demək olar ki, fərqlənmir. Filmin kuliminasiyası androidlərdən birinin ölümü ilə nəticələnən avtomobil qəzasıdır, digər android isə tərəfdaşının qəza nəticəsində düzəldilməsi mümkün olmayan zədələr aldığını öyrəndikdə intihar etmək qərarına gəlir.

Festivalın mükafatları sentyabrın 1-də qala-təqdimatda təqdim ediləcək. 

Yeri gəlmişkən, Əbilovun vəkili onun ev dustaqlığına keçirilməsi haqqında yeni vəsatət verib, belə ki, onunla bağlı fəal istintaq hərəkətləri aparılmır və o, azadlıqdan olsa, elmi fəaliyyətini davam etdirə bilər.

* İqbal Əbilov iyulun 22-də Azərbaycana qohumlarının yanına gəldiyi zaman saxlanılıb. Ona qarşı Azərbaycan Cinayət Məcəlləsinin 274 (dövlətə xəyanət), 281.3 (xarici təşkilatların və ya onların nümayəndələrinin tapşırığı ilə dövlətə qarşı yönəlmiş ictimai çağırışlar) və 283.1-ci (milli, irqi, sosial və ya dini nifrət və düşmənçiliyin qızışdırılması) maddələrilə ittiham irəli sürülüb.

Xüsusən, bütün bu cinayətlərin Ermənistan xüsusi xidmətlərinin göstərişi ilə törədildiyi iddia olunur.

Əbilov ittihamları qəbul etmir və müstəsna olaraq elmi fəaliyyətlə məşğul olduğunu bildirir. Dünyanın müxtəlif ölkələrindən olan alimlərdən ibarət böyük bir qrup Əbilovun azad edilməsində köməklik göstərilməsi xahişi ilə Azərbaycan rəhbərliyinə müraciət edib. Hüquq müdafiəçiləri Əbilovu siyasi məhbus kimi tanıyıblar.