![Açiq mənbələrdən foto.](https://turan.az/resized/media/2021/main/072600036047-750-500-resize.webp)
Açiq mənbələrdən foto.
Azərbaycanda karantin rejimi sərtləşdirilib, COVİD - pasport məcburidir
Bakı/26.07.21/Turan: İyulun 26-da Nazirlər Kabineti qərar qəbul edib. Qərara əsasən Azərbaycanda karantin rejimi sərtləşdirilir.
Belə ki, bu il sentyabrın 1-dən dövlət qurumlarının və bir sıra digər müəssisələrin əməkdaşlarının 80 faizi koronavirus peyvəndinin ilk dozasını, oktyabrın 1-dən isə ikinci dozanı vurdurmuş olmalı, ya da COVİD-19-dan immunitetin olması haqda sertifikata malik olmalıdır.
Bu tələb kommunal strukturların işçilərinə aiddir: elektrik, qaz, istilik, su təchizatı, zibillərin yığılması və emalı; nəqliyyat, logistika və kommunikasiya sektoru; dəniz, hava və yük daşımaları, o cümlədən taksi; poçt və kuryer xidməti; telekommunikasiya və rabitə; sosial xidmətlər, ticarət və iaşə; yemək hazırlanması və çatdırılması; turizm sahəsi, mehmanxanalar, turizm agentlikləri; maliyyə və sığorta sahələri; poliqrafiya, xidmət və bütün növ avadanlıq, avtomobil və maşın, eləcə də ev texnikası və kompüterlərin təmiri; memarlıq və layihələndirmə sahələri; reklam; təhsil, tərcümə, dizayn, foto işləri; yaşayış evlərinə xidmət, dezinfeksiya, xalçaların yuyulması, bərbərxana və dərzi; baytarlıq xidməti.
Orta- ixtisas müəssisələrinin 18 yaşdan yuxarı bütün şagirdləri 1 sentyabrdan COVİD-19 pasportuna sahib olmalıdırlar. -02D-
-
- Maliyyə
- 26 İyul 2021 15:43
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz