Açiq mənbələrdən foto.
Bakı/14.10.22/Turan: Azərbaycanda Media Reyestri fəaliyyətə başlayıb. Bu barədə Medianın İnkişafı Agentliyinin cümə günü yaydığı məlumatda bildirilir.
Oktyabrın 14-də Reyestrin İnformasiya Sisteminin proqram təminatının formalaşdırılması prosesi başa çatıb.
Media subyektləri və jurnalistlər ASAN Login vasitəsilə Reyestrin informasiya sistemi portalına daxil olaraq, qeydiyyat üçün müraciət edə bilərlər.
Xatırladaq ki, Vahid Media Reyestrinin yaradılması media haqqında yeni qanunda nəzərdə tutulub. Bu qanun həm Azərbaycanın daxilində, həm də onun hüdudlarından kənarda kəskin tənqidə məruz qalıb.
Beynəlxalq qurumlar Jurnalistlərin Vahid Reyestrinin yaradılmasını jurnalistlərin hüquq və azadlıqlarının və söz azadlığının məhdudlaşdırılması kimi qiymətləndiriblər. 21В
Siyasət
-
Livanın Səhiyyə Nazirliyinin məlumatına görə, İsrailin ən az 52 nəfərin həlak olması ilə nəticələnən aviazərbələrindən sonra Livanın şimal-şərqində xilasedicilər sağ qalanları tapmağa tələsirlər. Cümə günü axşam endirilən zərbələr Livanın Bekaa vadisini hədəf alıb, bu da təxliyəyə səbəb olub və bir neçə binanı xarabalığa çevirib, bu bölgə üzərində tüstü görünür.
-
"Abzas Media işi" üzrə həbs edilən bütün şəxslərin müdafiə hüququ pozulur və cinayət işinin içərisində olan video materialların surətləri qanunsuz olaraq müdafiə tərəfinə təqdim edilmir. Bu barədə Abzas Media-nın baş redaktoru Sevinc Vaqifqızının hüquqlarını müdafiə edən vəkil Elçin Sadıqov bildirib.
-
Oktyabrın sonlarında Ukraynanın Baş Kəşfiyyat İdarəsi (GUR) Rusiya tərəfindən Ukraynaya yaxın ərazilərə 7,000-dən çox Şimali Koreya əsgərinin yerləşdirildiyini bildirdi. Bu əsgərlər ən azı 28 hərbi uçuş vasitəsilə gətirilib. Ukrayna mənbələrinə görə, bu Şimali Koreya Xalq Demokratik Respublikası (ŞKXDR) əsgərləri Rusiya tərəfindən təmin edilən 60 mm-lik minaatanlar, AK-12 avtomatları, PKK/PKM pulemyotları, SVD snayper tüfəngləri, "Feniks" tank əleyhinə raketləri və RPG-7 əl qumbarasıatıcıları ilə təchiz olunublar. Onlara eyni zamanda gecə görmə cihazları, termal görüntüləyicilər və digər xüsusi avadanlıqlar da verilib.
-
İranın Ali Milli Təhlükəsizlik Şurası İsrailə cavab zərbəsi endirilməsi haqqında qərar qəbul edib, xəbəri şura üzvü Esmail Kosari verib.
Rəy yaz