Azərbaycanda Məhkəmə-Hüquq Şurasının tərkibinin formalaşdırılması qaydaları dəyişir

Bakı/14.06.23/Turan: Azərbaycanda Məhkəmə-Hüquq Şurasının  tərkibinin formalaşdırılması qaydaları dəyişir. Bu, prezident İlham Əliyevin bugünkü fərmanı ilə "Məhkəmə-Hüquq Şurası haqqında" qanuna edilən dəyişikliklərdə nəzərdə tutulub. Məhkəmə-Hüquq Şurası əvvəlki kimi 15 üzvdən ibarət olacaq.

Onlardan üçü kassasiya instansiyası məhkəmələrinin hakimlərinin konfransı, üçü apellyasiya instansiyası məhkəmələrinin hakimlərinin konfransı, üçü isə birinci instansiya məhkəmələrinin hakimləri tərəfindən təyin ediləcək.

Bundan əlavə, Məhkəmə-Hüquq Şurasına aşağıdakılar daxildir: Konstitusiya Məhkəməsinin təyin etdiyi hakim; parlamentin təyin etdiyi şəxs; Ədliyyə Nazirliyinin təyin etdiyi şəxs; Vəkillər Kollegiyasının təyin etdiyi vəkil; Milli Elmlər Akademiyasının təyin etdiyi hüquqşünas-alim; hüquq cameəsi nümayəndələrinin konfransı tərəfindən təyin edilmiş şəxs.

Əvvəllər Məhkəmə-Hüquq Şurasına şuranın sədri olan ədliyyə naziri, Ali Məhkəmənin rəhbəri, müvafiq icra hakimiyyəti orqanı, parlament tərəfindən təyin edilmiş şəxslər, Konstitusiya Məhkəməsinin təyin etdiyi hakim daxil idi.

Bundan əlavə, hazırda Məhkəmə-Hüquq Şurasına Ali Məhkəmənin, apellyasiya məhkəmələrinin hər birindən iki hakim, Naxçıvan Muxtar Respublikası Ali Məhkəməsinin hakimi, Ədliyyə Nazirliyinin təyin etdiyi şəxs, Vəkillər Kollegiyası Rəyasət Heyətinin təyin etdiyi vəkil və baş prokurorun təyin etdiyi şəxs daxildir. 06B