Açiq mənbələrdən foto.
Bakı/19.10.20/Turan: Oktyabrın 19-da saat 15:00-ə yaxın erməni tərəfi Ağdam rayonunun Bənövşəlar qəsəbəsini atəşə tutub. Nəticədə iki yerli sakin –Şamama Quliyeva (1955) və Maya Quliyeva (1976) yaralanıblar. Hər iki qadın xəstəxanaya yerləşdirilib. Bu barədə Azərbaycan Baş Prokurorluğunun məlumatında deyilir.
Həmçinin həmin qəsəbənin atəşə tutulması nəticəsində cəbhədəki vəziyyəti işıqlandırmaq üçün cəbhəyə ezam edilmiş AzTV-nin əməkdaşı Anar Həsənov (1982-ci ildə anadan olub) müxtəlif dərəcəli xəsarət alıb. Jurnalist xəstəxanaya yerləşdirilib.
Bundan əlavə, həmin rayonun Paşabəyli kəndinin atəşə tutulması nəticəsində yerli sakin Məhiyəddin Çiçək yaralanıb və xəstəxanaya yerləşdirilib.-02D-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz