Bakı ermənilərin helikopterin vurulduğu ərazidə xüsusi əməliyyat haqqında məlumatlarını təkzib edir

Azərbaycan Müdafiə Nazirliyi Ermənistan KİV-lərinin guya xüsusi əməliyyat həyata keçirilməsi, nəticədə noyabrın 12-də Azərbaycan ordusu tərəfindən vurulmuş helikopterin üç ekipaj üzvünün cəsədlərinin və helikopterin qalıqlarının götürülməsi haqqında məlumatlarını təkzib edib.

Bu məlumatların məlumatların heç bir əsası yoxdur, bu, məqsədyönlü surətdə yayılan növbəti təxribatdır və yalandır, deyə Azərbaycanın müdafiə idarəsinin məlumatında bildirilir.

Bu zaman Ermənistan tərəfin vurulmuş helikopterdəki meyitlərin adı altında hər hansı bir qalıqları nümayiş etdirə biləcəyi istisna olunmur. Bu, ancaq erməni xalqını aldatmaq niyyətilə əvvəllər verdikləri itkilərin nümayişi ola bilər.

Erməni tərəfindən tam fərqli olaraq, Azərbaycan Müdafiə Nazirliyi cəbhədə baş verən hər bir itki barədə rəsmi surətdə dərhal ictimaiyyətə məlumat verir və şəhidlərin dəfn mərasimlərini təntənəli şəkildə təşkil edir.

Müdafiə Nazirliyi bildirir ki, ermənilər helikopterin düşdüyü ərazidə daim vəziyyəti gərginləşdirir və beynəlxalq qurumları da bu məsələyə cəlb etməyə cəhd göstərirlər.

Həmin istiqamətdə Azərbaycan Silahlı Qüvvələri heç bir itki verməyib və ərazi tam nəzarət altındadır, deyə nazirliyin məlumatında qeyd edilir. -0-