Bakı polisində müşavirə

Baku/23.04.18/Turan: 2018-ci ilin üç ayı ərzində Bakıda Daxili İşlər Nazirliyi və prokurorluq üzrə 2657 cinayət qeydə alınıb. Cinayətlərin sayı azalıb, ötən ilin müvafiq dövründə 2865 cinayət hadisəsi baş verib.

Bu haqda aprelin 23-də Bakı Şəhər Baş Polis İdarəsində (BŞ) keçirilmiş əməliyyat müşavirəsində idarənin rəisi Mirqafar Seyidov məlumat verib.

Onun bildirdiyinə görə, cinayətlərin 89,3 faizi az ağır və böyük ictimai təhlükə törətməyən, 10,7 faizi isə ağır və xüsusilə ağır növlər olub. Ötən ilin müvafiq dövrü ilə müqayisədə ağır və xüsusilə ağır cinayətlərin 44,1, şəxsiyyət əleyhinə olan cinayətlərin 8,4, qəsdən adam öldürmə cinayətlərinin 21,1 faiz azaldığı bildirilir. Hesabat dövründə adam oğurluğu cinayəti ümumiyyətlə qeydiyyata alınmayıb.

Cinayətlərin açılmasına gəlincə, BŞBPİ rəisi bildirib ki, açılma faizi 77,2 faiz olub. Bu göstərici 2017-ci ilin müvafiq dövründə 75,4 faiz olub. Bu ilin 3 ayında bütün zorlama cinayətləri açılıb. Ağır cinayətlərin 73,7, şəxsiyyət əleyhinə cinayətlərin 94,8, qəsdən adam öldürmələrin 84,6 faizinin açıldığı bildirilir.

M.Seyidov deyib ki, 2017-ci ilin müvafiq dövrü ilə müqayisədə ümumi cinayətlərin açılması 1,8, şəxsiyyət əleyhinə olan cinayətlər 6,4, ehtiyatsızlıqdan adam öldürmələr 66,7 faiz, qəsdən sağlamlığa ağır zərər vurmalar 7,5 faiz yaxşılaşıb.

Bu il 16 soyğunçuluq və quldurluq cinayəti törətmiş 28 nəfərdən ibarət 16 qrup, eləcə də 41 mənzil oğurluğu törətmiş 36 nəfərdən ibarət 16 cinayətkar qrupun ifşaediliyi deyilir.

Müşavirədə paytaxtın polis orqanlarının istintaq qurumlarının icraatındakı cinayət işlərinin sayının 6,3 faiz azaldığı, 4 min 641-ə düşdüyü bildirilib.

Toplantıda iсtimai asayişin mühafizəsi məsələlərinə də toxunulub. Bildirilib ki, bu məsələ сiddi nəzarətdə saxlanılıb, mümkün təxribat hallarının, qanunsuz aksiyaların qarşısının vaxtında alınması üçün bütün zəruri tədbirlər görülüb.