Bakı və Berlin diplomat ailələrinin ödənişli əmək fəaliyyəti haqqında razılıq əldə ediblər

Sentyabrın 2-də Azərbaycan və Almaniya XİN-ləri arasında “Azərbaycan Respublikası Hökuməti ilə Almaniya Federativ Respublikası Hökuməti arasında diplomatik nümayəndəlik və ya konsulluq əməkdaşlarının ailə üzvlərinin ödənişli əmək fəaliyyəti haqqında Saziş” imzalanıb. Bu barədə Azərbaycan XİN-in mətbuat xidməti məlumat yayıb.

Sənədi Azərbaycanın AFR-dəki səfiri Pərviz Şahbazov və Almaniya XİN-nin ümumi idarəsinin rəisi Volfqanq Dold (Wolfgang Dold) imzalayıb.

Sənədə əsasən, hər iki dövlətdə akkreditə olunmuş diplomatik nümayəndəlik və ya konsulluq əməkdaşlarının ailə üzvlərinə qəbul edən dövlətdə ödənişli əmək fəaliyyəti ilə məşğul olmağa qarşılıqlı əsasda icazə verilir.

“Bu, qarşılıqlı saziş əsasında əmək fəaliyyəti göstərə bilmək üçün Avropa məkanından ilk təcrübəlrədən biridir”, deyə Azərbaycan XİN-in mətbuat xidmətinin rəhbəri Hikmət Hacıyev sazişi Turan-ın müxbirinə şərh edərkən bildirib. -06D-