![Bakı və Yerevan ATƏT-in Monitorinq Qrupunun genişləndirilməsi haqqında razılıq əldə ediblər](https://turan.az/resized/750/500/resize/media/2016/main/072700163609.jpg)
Bakı və Yerevan ATƏT-in Monitorinq Qrupunun genişləndirilməsi haqqında razılıq əldə ediblər
Ermənistan və Azərbaycan prezidentləri Qarabağda və Azərbaycan-Ermənistan sərhədində ATƏT-in Monitorinq Qrupunun genişləndirilməsi məsələsində razılıq əldə ediblər. Bu barədə RİA-Novosti agentliyinə ATƏT-in Minsk Qrupunun amerikalı həmsədri Ceyms Uorlik bildirib.
"ATƏT MQ-nin həmsədrləri gərginliyin azaldılması və münaqişənin sülh yolu ilə həllinə nail olmaq üçün danışıqlar prosesinin davam etdirilməsi məqsədilə prezidentlərin Vyana və Peterburq görüşlərində üzərlərinə götürdükləri öhdəlikləri həyata keçirməsi istiqamətində fəal şəkildə işləyirlər.
Prezidentlər təmas xəttində və Azərbaycan-Ermənistan sərhədində ATƏT-in Monitorinq Qrupunun genişləndirilməsi məsələsində razılıq əldə ediblər", deyə o bildirib.
Amerikalı diplomat həmçinin bildirib ki, hər bir tərəfdən yüksək vəzifəli rəsmi şəxslərin cəlb edilməsi ilə münaqişənin nizamlanması üzrə geniş danışıqları davam etdirmək planlaşdırılır. "Diplomatik istiqamətdə proses tərəflər arasında gərginliyin azaldılması üçün zəruridir", deyə Ceyms Uorlik bildirib.
Qeyd edək ki, Azərbaycan prezidenti İlham Əliyev Monitorinq qrupunun rolunu həddindən artıq qiymətləndirmək lazım olmadığını bildirib və Bakının bu məsələni prioritet deyil, texniki məsələ hesab etdiyinə işarə edib.
ATƏT missiyasının əməkdaşlarının sayı artırıla bilər, amma bu, nizamlanma prosesində sıçrayış demək deyil. Məsələnin həlli erməni qüvvələrinin işğal olunmuş ərazilərdən çıxarılmağa başlamasındadır, deyə Əliyev iyulun əvvəllərində Nazirlər Kabinetinin iclasında çıxış edərkən bildirib. -02D-
-
- Söz istəyirəm
- 27 İyul 2016 15:12
-
- Cəmiyyət
- 27 İyul 2016 15:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz