![Bakı Xocalıda aeroportun istismara verilməsi barədə məlumatları şərh etmir](https://turan.az/resized/media/2012/main/100200013199-750-500-resize.webp)
Bakı Xocalıda aeroportun istismara verilməsi barədə məlumatları şərh etmir
Rəsmi Bakı Xocalı aeroportunun istifadəyə verilməsi barədə erməni tərəfinin məlumatını hələlik şərh etmir.
Bu xəbər ötən gün Yerevanda səslənib. Ermənistanın rəsmi şəxslərinin məlumatına görə, ICAO (Beynəlxalq Mülki Aviasiya Təşkilatı) uçuşlara icazə verib.
Azərbaycan XİN və Mülki Aviasiya Administrasiyası bununla bağlı hələlik hər hansı şərh verməyiblər.
Bundan əvvəl (2011-ci ilin mayında) erməni tərəfi aeroportun hazır olduğunu və tezliklə uçuşların başlanacağını bildirmişdi. Lakin uçuşların qarşısının alınacağı barədə Bakının xəbərdarlığından sonra erməni tərəfi bu ideyadan imtina etmişdi. Bakı həmçinin bildirmişdi ki, aeroportun beynəlxalq səviyyədə sertifikatlaşdırılmasına yol verməyəcək.
Hazırda erməni tərəfi aeroportu işə salmaq üçün Ramil Səfərovun əfv olunması ilə bağlı vəziyyətdən istifadə etmək istədiyini gizlətmir. Bu məqsədlə erməni diplomatiyası aktiv kampaniyaya başlayıb. Qarabağda mülki təyyarələrin vurulmasının yolverilməzliyi ilə bağlı Bakıya xəbərdarlıq edən amerikalı konqresmen Bred Şermanın bəyanatına da məhz bu kontekstdə baxmaq lazımdır.
Yaxın günlərdə erməni lobbisi və rəsmi şəxsləri tərəfindən yeni diplomatik demarşları gözləmək lazımdır.
Eyni zamanda erməni ekspertləri etiraf edirlər ki, əsəb müharibəsi başlayıb və tərəflərdən heç biri digərinin hərəkətindən əmin deyil. Belə ki, ermənilər düşünürlər ki, Azərbaycan heç nəyə baxmayaraq, mülki təyyarəni vura bilər.
Eyni zamanda bəzi əcnəbi ekspertlər istisna etmirlər ki, Bakı aeroportun açılmasına razılıq verib, əks halda erməni tərəfi onu işə salmağa risk etməzdi. Əgər belə deyilsə, Qarabağda vəziyyətin gərginləşəcəyini və Azərbaycanın müttəfiqi Türkiyə tərəfindən Ermənistana təzyiqlərin artacağını gözləmək olar. Əsasən Ankara Ermənistanın beynəlxalq aviareysləri üçün hava məkanını bağlaya bilər.
Öz növbəsində HHM sahəsində ekspertlər hesab edirlər ki, Azərbaycan Xocalı aeroportunun işini pozmaq üçün texniki imkanlara malikdir, hələ hərbi tədbirlərdən danışmırıq.
* Xocalı aeroportu 70-ci illərdə tikilib və Bakıdan Qarabağa aviareyslər üçün nəzərdə tutulub. 1992-ci ilin fevralında Xocalı şəhərinin ermənilər tərəfindən işğalından sonra aeroport fəaliyyətsiz qalıb. İki il əvvəl erməni tərəfi onun bərpasına başlayıb. -02V-
-
- Cəmiyyət
- 2 Oktyabr 2012 11:54
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz